فاریاب ولایتی نینگ شیرین‌تگاب تومنیده محلی بیر منبع نینگ ایتیشیچه، طالبان گروهی میمنه-مزار قتناو یولینی اوچ قسمتی ده اوچ چقور قازیب یولنی ترافیک یوزیگه توسگن.
فاریاب ولایتی نینگ شیرین‌تگاب تومنی ولسوالی زین‌الله ذکی نینگ سلام‌وطندارگه ایتیشیچه، اوتگن کیچه یریم‌لریده طالبان گروهی نینگ جنگریلری اسکواترلردن فایده‌لنیب میمنه-مزار قتناو یولینی اوچ قسمتی‌ده کته چقور قازیب و بو قتناو یولنی ترافیک یوزیگه باغله‌گن.
شونینگدیک، محل یشاوچیلریدن خیرالله آستانه نینگ ایتیشیچه، اوتمیش‌لرده هم طالبان گروهی میمنه-مزار قتناو یولیده کته چقورلر قازیب امنیتی کوچلرنینگ اوتیشی گه توسیق بولگن ایکن.
اوشبو خبرنی تصدیقلگن فاریاب پولیس قومندانلیگی سوزلاوچیسی عبدالکریم یورش نینگ سلام‌وطندارگه ایتیشیچه، قازیلگن چقورلر ایکی متر بولگن.
شونینگدیک، طالبان گروهی بو خبرنی تصدیقلب ایتیشیچه، امنیتی کوچلرنی برابریده توسیق ایجاد قیلیش اوچون بو ایش گه قول اورگن‌لر.
عین حالده، طالبان گروهی نینگ رهبری هییت بیره‌می مناسبتی بیلن بیرگن پیامی‌ده مذکور گروه جنگریلریدن عامه‌وی پروژه‌لر عمل گه آشیریلیشی گه توسیق بولمه‌ی و بو پروژه‌لرنی بوزیش دن قول تارتیشلرینی سوره‌گن ایدی.
