میدان وردک ولایتی‌نینگ 500گه یقین ناگرانلری، مذکور ولایت ایش و اجتماعی ایشلر اداره‌سی مسووللرینی ایکی ییلدن بیر آیلیک‌لرینی تولمه‌گن لیکده عیبله‌گن‌لر. سلام‌وطندار رادیوسی بیلن صحبت قیلگن مذکور ناگرانلرنینگ سوزلریگه قره‌گنده ولایت اجتماعی ایشلر اداره‌سی رسمیلری بولرنینگ حق و حقوقینی ییگن. ناگرانلر تانیشی بولگن کیشی‌لر تیزلیکده اوز آیلیک‌لرینی قولگه کیریته‌دی لیکن تانیشی بولمه‌گن آدملر همان حق و حقوقی‌گه ایریشمیدی دیگنلر.
مذکور ناگرانلر اوز حق و حقوقلریگه ایریشمه‌گن حالده، ییریک اعتراضلرگه قول اوریش‌لری باره‌سیده آگاهلنتیرگن‌لر.
ولایت اجتماعی ایشلر بوییچه اداره باشلیغی محمداسلم حسین‌نینگ سلام‌وطندار بیلن سوزله‌شیب اوشبو ادعالرنی تصدیقلب ناگرانلر حق‌لر تولنمه‌گنی اوچون بیرینچی دلیل ییترلی بودجه بولمه گن‌لیگینی سبب قیلیب کورستگن. عین حالده، ناگرانلر اوشبو اداره رسمیلری ادعالرینی کیسکین رد قیلگن‌لر.
جناب حسین‌گه کوره، ولایت ایش واجتماعی مساله‌لر بوییچه اداره هر دایم ناگرانلر حق وحقوقی وقتیده بیریلیشی اوچون سعی وحرکت قیل‌هدی دیگن. شونینگ‌دیک ولایت ناگرانلر اداره‌سی رییسی فقط 420 کیشی ناگران‌نینگ آیلیگی تولنمه‌گن دیگن.
بو بیرینچی بار ایمس ناگرانلر حق و حقوقلری تولنمه‌گن‌لیکدن شکایت قیلگن بولسه‌لر. بوندن آلدین هم بو مساله‌گه عاید گزارش لر ترقه تیلگن ایدی. شونینگ‌دیک افغانستان اجتماعی ایشلر مساله‌سی بوییچه وزیر خانم نسرین اوریاخیل بوندن نیچه قوت آلدین بو ولایت 50مینگ کیشی خیالی ناگران موجودلیگینی اظهار ایتگن ایدی.
