میدان وردک محلی رسمیلری نینگ ایتیشلریچه، اوتگن آقشام ولایت دایمیرداد تومنی نینگ شیر توغی و سفر خیل قیشلاقلریدن طالبلر 12 کیشینی اوغیرلهگن. ایتیلیشیچه، اوغیرلنگنلر ارا قوم یاش اولوغلری هم شامل.
میدان وردک والیسی نینگ سوزلاوچیسی عبدالرحمن منگل سلاموطندارگه قیدگه آلینگن شخصلر قویب یوباریش تلاشی بولیب تورگن و حاضرگه قدر بولردن 6 کیشی آزاد ایتیلگن دیگن.
منگل نینگ معلوم قیلیشیچه، اولر حربی عملیاتدن کوره صحبتگه اوتیشنی ایستهگن و حاضرگه قدر قیدگه آلینگنلر ساغ سلامت، طالبلر قولیده.
اسمی سر سقلنیشینی ایستهگن میدان وردک پولیس قومندانلیگیدهگی منبعلردن بیری نینگ سلاموطندارگه ایتیشیچه، طالبلر بوکیشیلرنی حکومت بیلن یاردم بیریشگه عیبلب توتگنلر.
منبع نینگ ایتیشیچه، قولگه آلینگنلرنی طالبلر اوز تصرفلریگه بولگن منطقهده آلیب کیتگن. حاضرگه قدر بوبارهده جنگریلر رسانهلرگه بیرنرسه دیمهگن.
