سلام‌وطندارگه صحبت بیرگن لوگر و میدان‌وردک ولایتیده تورتینچی پیاده لوا قومندانی جنرال عبدالرازق‌نینگ ایتیشیچه، بیر خودکش هجومچی بوگون ایرته‌لب ساعت 8 اطرافیده پارتلش ماده‌دن تولیق بولگن بیر تانک نی اوشبو ولایت‌نینگ عیاللر باغی منطقه‌سیده‌گی ملی خوفسیزلیک خاص قطعه‌سی نینگ ایشیگی برابریده پارتلتگن.
اونگه کوره، کرولا موتری آرقلی اوشبو بناگه داخل بوله‌دیگن 4 هجومچی خوفسیزلیک کوچلری بیلن توقنه‌شیب هلاک بولگن.
جناب ساپی گه کوره، مذکور هجوم‌ده کمیده 20 عسکرهلاک و باشقه 40 عسکر تَن جراحتی کوتارگن.
اونینگ کوپه‌یتیریشیچه، حادثه‌نینگ قندیلیگی توغریسیده تدقیقات باشلنگن.
عین حالده، میدان‌وردک ولایتی کینگش اورین باسری شریف‌الله هوتک‌نینگ ایتیشیچه، پارتلش کوپ کوچلی ایکن و حادثه‌نینگ بیر کیلومترلیگی‌ده قرار تاپگن تینچ اهالی‌نینگ اوی‌لری ضرر کورگن.
اونگه کوره، مذکور حادثه ده خوفسیزلیک کوچلری‌دن 50 ته‌سی هلاک و یره‌لنگن.
طالبان گروهی حادثه مسئولیتی نی بوینیگه آلیب ایتیشیچه، مذکور حادثه‌ده خوفسیزلیک کوچلری گه آغیر تلفات ییتیشتیرگنلر.
جمهورلیک ریاستی بیر خبرنامه ترقه‌تیب اوشبو خبرنی تقبیح قیلیب ایتیشیچه، ترورچیلرنینگ اوشبو ایشلری خوفسیزلیک کوچلری‌نینگ روحیه‌سینی کوچ‌سیز قیله آلمه‌یدی.
