جوزجان ولایتی‌نینگ درزاب تومنیده ینگی‌لیک‌ده داعش گروهی 5 مکتب‌نی بوزیب و بوتون نرسه‌لرینی اوزلری بیلن آلیب کیتگن.
سلام‌وطندارگه صحبت بیرگن درزاب پولیس قومندانی تورن اسماعیل‌نینگ ایتیشیچه، اوشبو واقعه‌ده درزاب تومنی‌نینگ مرکزی لیسه‌سی و باشقه قیزیل‌غوچ و مغل‌القانی قیشلاقلری‌نینگ 4 مکتبی بوزیلیب و بار نرسه‌لری تالان قیلینگن.
جناب اسماعیل گه کوره، اوشبو مکتب‌لرنی داعش گروهی بوزه‌دی و تیمیرلریدن اوزلریگه سنگر توزه‌ته‌دی.
شونینگ‌دیک، جوزجان معارف ریاستی باشلیغی عبدالحی یشین‌نینگ ایتیشیچه، مذکور ولایتده داعش گروهی‌نینگ فعالیتی کینگه‌یگنی باعث، کوپینچه مکتب‌لرنینگ دروازه‌لری یاپیلگن.
عین حالده، محل یشاوچیلری بو وضعیت‌نی حکومت‌نینگ دقت سیزلیگی بیلیب ایتیشیچه، حکومت نابودلیک خطریدن معارف نی قوتقره آلمه‌گن صورتده، اولر اوچون امید قیله‌دیگن نرسه قالمه‌گن.
