سیلاو ایرکین کمیسیونی نینگ اعضاسی مولانامحمد عبدالله نینگ ایتیشیچه، سیلاو قانونی قیته تیکلنگنی اساسیده، کمیده 770 دن 900 مینگ آوازگچه یراق‌سیز تانیلگن.
جناب عبدالله، اوتگن کون کیچ پیت اوز فیسبوک صحیفه‌سیده یازیشیچه، سیلاو یولگه قوییلگنیدن ایکی کون اوتگنیدن سونگ، مذکور کمیسیون نینگ ولایتی دفترلری 6- میزان جمهورلیک ریاست سیلاویده 2695890 آواز بیرووچی اشتراکی‌دن گزارش بیرگن ایدیلر.
مولانا عبدالله گه کوره، حاضر بایومتریک‌لی آوازلرنینگ رقمی 1791703 دن 1929333 آوازگه ییتیشه‌دی. مولانا عبدالله نینگ ایتیشیچه، بیرینچی و ایکینچی رقم آره‌سیده 137630 آواز فرق بار؛ اونگه کوره، بو فرق بحث گه آلینیب تیکشیریلیشی کیره‌ک.
مولانا عبدالله نینگ اورغولشیچه، سیلاو کمیسیونی نینگ ولایتی دفترلرینی مسؤوللری، مرکزلریده بولگن تقلب‌لردن گزارش بیریشمه‌گن و اولر عدلی و قضایی اداره‌لریگه تانیشتیریله‌دی.
افغانستان بوییچه 6- میزان سیلاوی بیر آز تینچ فضاده یولگه قوییلدی و بو سیلاونینگ دستلبکی نتیجه‌سیده 27- میزان ده اعلان ایتیلیشی خصوصیده قرار قیلینگن ایدی. بیراق، نتیجه تعیین ایتیلگن زمانیده اعلان ایتیلمه‌دی و حاضرگه‌قدر نامعلوم زمان گچه توخته‌تیلگن.
