افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما دفتری نینگ آدرسیدن ایکی کون آلدین اجتماعی ترماقلر و میدیالرده بیر نامه نشر ایتیلدی. اوشبو نامه ده سیلاو ایرکین کمیسیونی نینگ اعضاسی مولانامحمد عبدالله، مذکور کمیسیون نینگ دیتابیس اداره‌سی باشلیغی نینگ اهانت قیلیش‌گه عیب‌لنگن.
بیراق، بوگون "سه‌شنبه" مولانا عبدالله یوناما تامانیدن ترقه‌تیلگن نامه‌نی سیلاو ایرکین کمیسیونی اعضالری نینگ خبری ییغینیده اوقیب و نتیجه‌ده کمیسیون اعضالریدن ایکی ته‌سی نینگ آره‌سیده لفظی تارتیشوولر یوز بیرگنی باعث، ییغین برهم اوریلدی.
مولانا عبدالله نینگ ایتیشیچه، 15 کونگه‌قدر جیم توریش‌گه تهدید ایتیلگن و جیم تورمه‌گن صورتده، کمیسیون تامانیدن یوناما نامه‌سیگه جواب قیتریلیشی بیلدیریلگن.
سیلاو ایرکین کمیسیونی نینگ اوشبو اعضاسی یوناما عیب‌لرینی رد قیلیب و بو سازمان برخوردینی غیردیپلوماتیک دیدی.
جناب عبدالله نینگ کوپه‌یتیریشیچه، افغانستانده فرقه‌یی اوروش باشلنگن صورتده، مسوولی یوناما دیر. اونینگ تاکید قیلیشیچه، یوناما نینگ اونگه قرشی بولگن نامه‌سی شخصی خصومت اساسیده یازیلگن.
سیلاو ایرکین کمیسیونی اورین باسری عصمت‌الله مل نینگ ایتیشیچه، بوگون آقشام‌گچه یوناما نینگ نامه‌سیگه جواب قیتریله‌دی.
جناب مل گه کوره، بوگون کی خبری ییغین آجنداسیگه مولانا عبدالله تامانیدن نامه نینگ اوقیلیشی کیریتیلگن ایمس ایدی.
عین‌حالده، آوازلرنی قیته سنه‌ش جریانی بیرقطار آواز بیریش مرکزلرگه باشلنگن دیر. سیلاو ایرکین کمیسیونی باشلیغی حواعلم نورستانی نینگ ایتیشیچه، اوشبو لایحه مملکت 20 ولایتیده عملی ایتیلماقده، بیراق باشقه 13 ولایتده سیلاو تیم‌لری نینگ طرفدارلری تامانیدن رخصت بیریلمه‌گن.
خانم نورستانی‌گه کوره، بیرقطار آواز بیریش مرکزلرنینگ باغلنگنی باعث، سیلاو دستلبکی نتیجه‌سی نینگ 23 عقرب‌ده اعلان ایتیلمه‌یشی ممکن.
شوتوغریده…
