افغانستان قاچقین قیزلریگه اورگهتیش اوچون عمرینینگ کته قسمینی صرفلهگن عاقله آصفی، بیرلشگن ملتلر قاچقینلر بولیمیدهگی عالی کمیشنری تامانیدن«نانسن» مدالینی آلدی.
رویترز خبرگزارلیگینینگ نقل قیلیب یازیشیچه، خانم آصفی پاکستان پنجاب ایالتی نینگ «کوت چندنا» منطقه سیدهگی افغان قاچقین قیزلریگه اورگهتیش اوچون چیکسیز فعالیتلر کورستگن.
مذکور مدال 100 مینگ دالر بیلن بیگیم آصفیگه بیریلیشی کوزه تیلهدی. ایتیلیشیچه، بیریلهدیگن پولنی خانم آصفی مهاجرقیزلرگه اورگهتیش امکانیتیگه آرتیریش اوچون مصرف قیلیشی ممکن.
اوشبو مدال کیلهسی میلادی ییل 8- مارچ، ژنو شهریده اونگه بیریلیشی کوزه تیلهدی.
افغانستانده 1371- ییل ایچکی اوروشلر باشلهنیشی بیلن خانم آصفی پاکستان پنجاب ایالتی نینگ چندنایگه بارهدی و اوییردهگی افغان قاچقین قیزلرینی سواد سیزقالیشگه اجازه بیرمهدی.
بیرلشگن ملتلر تشکیلاتی قاچقینلر بوییچه عالی کمیشنریگه کوره، خانم آصفینینگ اختیاریگه اونچهلیک امکانات بیریلمهگن، ولی ینه هم مهاجر عایلهلر قیزلرینی اوقیشگه تشویق قیلیب مکتب تامان یولله گن.
شونینگدیک قاچقینلر بوییچه بیرلشگن ملتلر کمیشنیرینینگ ایتیشیچه، بو خانم تلاشلری سبب مهاجر قیزلرنینگ مینگدن آشهسی تحصیل آلیشدن فایدهلنگن. ولی حاضرهم کوپلب قاچقینلر مکتب باریشدن محروم قالگنلر.
ایتیلیشیچه، پاکستاندهگی افغان قاچقینلریدن 80 فایزی مکتب کیتیش امکانیتیدن محروم قالگنلر و بولردن 33 فایزی اوقیش و بیتیشگه قادر ایکنلر که شو ساندن 7.6 فایزی عیال بولگن.
افغانستان قاچقینلر وزیرلیگینینگ بیرگن سانیگه قرهگنده، شوحاضر پاکستانده افغان قاچقینلریدن بیر یریم میلیون کیشی قانونی و باشقه بیر میلیوندن آشهراق کیشی هم غیر قانونی شکلیده حیات کیچیرهدیلر.
