افغانستان نینگ مهاجرلر وزیری سیدحسین عالمی بلخی، تهران رسمی لریدن افغانستان نینگ قانونی و نا قانونی مهاجرلری نینگ فرزندن لریگه مذکور مملکت‌ده اوقیش زمینه‌سی یره تیلیشینی سوره‌گن.
جناب بلخی سه شنبه کونی بیر خبری ییغینده، ایران‌گه قیلگن سفریده تهران رسمی‌لری بیلن مذکور مملکت‌ده گی افغان مهاجرلری‌نینگ وضعیتی توغریسیده سوزلشگنینی تیلگه آلدی.
ایران رهبری علی خامنه ای نینگ فرمانی‌گه کوره، هیچ بیر افغانستان لیک باله، ناقانونی و حجتی بولمسه هم مذکور مملکت‌ده اوقیش‌دن اوزاق قالمه‌سین.
افغانستانلیک مهاجرلر فرزندی تعلیم اوچون ایران مکتب‌لریگه روی‌خط‌گه آلینیشی کیره ک دیگن خامنه‌ای.
مهاجرلر وزیری سیدحسین عالمی بلخی، ایران دولتی‌دن مذکور مملکت توسیلگن منطقه لریده افغانستان مهاجرلری اوچون بولگن توسیق لرنی حل ایتیشینی سوره گن.
بوندن آلدین افغانستان مهاجرلری‌نینگ ایراننی ایریم شهرلریدن باریب کیلیش‌لری توسیلگنی باعث، افغانستان و ایران نینگ مدنی اداره‌لری تنقیدی‌گه دوچ کیلگن ایدی.
تنقیدچیلرگه کوره، بو حرکت ایران ده افغان مهاجرلری نینگ قیین چیلیگی گه سبب بولگن.
عین حالده مهاجرلر وزیری نینگ ایتیشیچه، افغانستان‌دن تهران‌گه یوباریلگن هیأت مهاجرلر قیین چیلیگی توغریسیده بولگن 11 مسله نی ایران رسمی لری بیلن اورته گه قویگن.
مهاجرلر وزیری اوشبو ییغینده، مهاجرلر وضعیتی‌گه ییتیشیش توغریسیده ینگی ریجه ایجاد ایتیلگنی‌دن خبر بیردی.
جناب بلخی‌گه کوره، مذکور ریجه‌نی عمل‌گه آشیریلیشی گه 166 میلیون دالر کیره ک.
و بودجه موضوع‌سی یاردم بیروچی اولکه لرگه تکلیف قیلینه‌دی.
مهاجرلر وزیری گه کوره، خلق ارا اداره‌لری تامانیدن بیریلگن یاردم‌لر بیلن تشقی اولکه‌لردن قیتیب کیله دیگن‌لرگه بیریله دیگن پول میزانی کوپیتیریله‌دی.
جناب بلخی‌نینگ سوزلریگه کوره، حاضرگی کونلرده تشقی مملکت لردن قیتیب کیله دیگن کیشی لرگه 200 دالر بیریله‌دی.
وزیرلیک، حاضرگی کونلرده اوشبو پول میزانی‌نی کوپیتیریش اوچون «یو. ان. اچ. سی. آر» بیلن سوزلشماقده.
بلخی نینگ ایتیشیچه، اوز منطقه‌لریگه تشقی مملکت‌لردن قیتیب کیله دیگن مهاجرلرگه 3 مینگ دالر بیریشنی ایسته‌یدی.
جناب بلخی گه کوره، کمیده بیر میلیون افغانستان لیک مهاجر ایران ده حجت سیز یشه یدی و تیزلیکده بو کیشی لر حضوری قانونی بوله‌دی.
