افغانستان، میلادی 1919- ییل، البته شو کوندن یوز ییل آلدین مستقللیککه ایریشدی. او ییلده افغانستان پادشاهی شاه امانالله خان، حربیلری گه او زمانده بریتانیا حکومتی نینگ مستعمرهسیده بولگن حاضرگی پاکستان گه کیریشی خصوصیده بویروغ بیرگن. شونینگدیک، بریتانیا کوچلری، افغانستان نی یاش پادشاهی نینگ بو حرکتی گه جواب بیریش اوچون اوروش اعلان قیلگن و او اوروش ایسه افغان-انگلیس نینگ اوچینچی اوروشی صفتیده تأریخ ده قید ایتیلگن.
هند-بریتانیان نینگ حربی باسیملری، امانالله خان تامانیدن آتیشکیسین ایستهگی گه سبب بولدی و نتیجهده ایکی مملکت آرهسیده بیر کیلیشوونامه امضاءلندی. او کیلیشوونامه اساسیده، شاه امانالله خان دیورند چیزیغی نینگ افغان و هند-بریتانیانینگ رسمی چیگرهسی صفتیده تانیدی و بدلی ده بریتانیا امپراتورلیگی هم افغانستان مستقللیگی نینگ رسمیت گه تانیدی و اوز زماندن بویان بو ییل دن مملکت مستقللیگی نینگ آتی گه ایسلنهدی.
اوتگن یوز ییلده افغانستان گه حاکم بولگن برچه حکومتلر مملکت مستقللیگی نینگ نشانلشگن، بیراق ینگی توزوم فعالیت گه باشلهگنیدن سونگ، بو کوندن 28- اسد ده نشانلنهدی.
عین حالده، مملکت مستقللیگی نینگ یوز ییللیک مراسمی جاری ییل ده خاص برنامهلر و کوپلب مالی خرجت بیلن یولگه قوییلدی. حکومت مملکت مستقللیگی نینگ یوز ییللیگی نی نشانلش ده 132 مدنی و سپورتی برنامه نی عمل گه آشیره دی و اوشبو برنامهلر خرجتی 384 میلیون افغانی دییلگن.
بو مبلغ گه علاوه، حکومت باشقه میلیونلرچه دالرنی دارالامان قطری قیتهقوریلیشی و تاجبیگ قوریلیشی گه صرفلهگن. یالغیز دارالامان قصری نینگ قیتهقوریلیشی 15 میلیون دالر خرجت کوترگن. شونینگدیک، نیچه کون آلدین ترقهتیلگن گزارش ده ایتیلیشیچه، حکومت 4 ترانه توزهتیلیشی اوچون 20 میلیون افغانی توللگن.
مملکت مستقللیگی نینگ یوز ییللیگی نشانلنیشی اوچون کوپلب مالی خرجتلر اجرهتیلگن بیرچاغده، مملکت جمعیتی دن کمیده یریمی قشاقلیکده حیات کیچیرهدی و بیرقطار ولایتلرده قشاقلیک باعث، عایلهلر فرزندلری نینگ ساتیشگن. شوندهی بیرحالتده، حکومت اهالی نینگ حیاتی گه دقت قیلیش اورنیده، مملکت مستقللیگی نینگ نشانلش بهاسی بیلن کوپ مبلغ صرفلب سیلاو کمپاینلریگه دوام بیرهدی.
ملی بیرلیک حکومتی نینگ باشلیغی مملکت مستقللیگی نینگ یوز ییللیگیدن نشانلش اوچون میلیونلرچه دالر صرفلهگن بیرچاغده، مملکت جمعیتی نی سنهش مرکزی تامانیدن نشر قیلینگن گزارشده اورگهتیش-تربیهلش، ساغلیک و ایش گه اهالی قول تاپیشی تیکشیریلگن ایدی. اوشبو تیکشیروودن قولگه کیریتیلگن رقملرگه کوره، افغانستان جمعیتی دن 52% هر تامانلمه قشاقلیککه دوچار بولیب تورگن و بو رقم قطار ولایتلرده 80-85% گه ییتیشهدی.
جمعیت نی سنهش مرکزی تامانیدن اهالی اوگهتیش-تربیهلش و ساغلیککه قول تاپه آلمهسی توغریسیده گزارش ترقهتیلگن بیرچاغده، جمهور رئیس غنی اوتگن ییل، تعلیمی ییل باشلهنیشیده، کیلهجک ایکی ییلده مملکت بویلب 6 مینگ مکتب قوریلیشی توغریسیده سوز بیرگن ایدی و حاضر او زماندن بیر ییل اوتماقده سوز بیریلگن مکتبلردن یریمی هم قوریلمهگن.
ملی بیرلیک حکومتی نینگ باشلیغی تورلی مراسملرده میلیونلرچه دالر صرفلش اورنیده شو پوللرنی مکتب و کسلخانه قوریلیشی گه صرفلهگنده، مملکت یشاوچیلریدن کوپینچهسی اورگهتیش-تربیهلش و ساغلیک خذمتلریگه قول تاپردی.
مملکت یشاوچیلریدن کوپینچهسی قشاقلیککه حیات کیچیرهدیلر و امنیتی وضعیت هم خواطرلی بولگن بیرحالده، مملکت مستقللیگی نینگ میلیونلرچه دالر صرفلب نشانلش منطقلی کورینهدیمی؟ کورینیشیچه، ملی بیرلیک حکومتی نینگ باشلیغی مملکت مستقللیگی نینگ نشانلش بهانهسی بیلن اوز ایستهگی گه قول تاپیش اوچون سعی و حرکت قیلهدی. بیرینچیدن مملکت مستقللیگی نینگ نشانلش بهاسی بیلن ولایتلرده سیلاو کمپاینلرینی یولگه قویگن و ایکینچیدن ایسه، امانالله خان نینگ یکونلنمهگن فصلینی یکونلنتیریش بولگن.
