افغانستان ایکینچیلیک، سوولنتیریش و چارواچیلیک وزیرلیگی‌نی اورمانلر بولیمی مسؤوللری‌نینگ ایتیشیچه، میلادی 2016- ییل‌ده افغانستان‌نینگ سبزوات قاپله‌می نقشه‌سیگه کوره، اوتگن نیچه ییل‌ده مملکت اورمانلری 1.7% دن 2.8% گه کوپه‌یگن.
ایکینچیلیک وزیرلیگی مسؤوللریگه کوره، مملکت‌ده سبزوات قاپله‌می، اورمانلر، کوک اوتلر و بوته‌لردن عبارت.
ایکینچیلیک، سوولنتیریش و چارواچیلیک وزیرلیگی تامانیدن بیریلگن رقم‌لر اساسیده، قویاش 1357- ییل‌ده افغانستان‌نینگ کمیده 1.99 میلیون هکتار اورمانی بار ایکن و بو رقم توپلم شکلده افغانستان توپراغیدن 3% تشکیل بیره‌دی. بو جمله‌دن 95% طبیعی اورمانلر و باشقه 5% ساخته دیر.
بیراق، سونگی رقم‌لرگه کوره، قویاش 1381- ییل‌ده بو رقم 1.34 میلیون هکتارگه کمه‌یگن.
مسؤوللرنینگ بیاناتی اساسیده، بو کمه‌ییش یالغیز 450 مینگ هکتار پسته اورمانی‌دن 40-50% اورته‌دن کیتگن بیرچاغده بیلگی‌لنگن.
ناتینچلیک‌لر یانیده هوا اوزگریشی و کَم‌بغلیک باعث، مملکت اورمانلری نابود ایتیلگن.
عین حالده، سلام‌وطندارگه صحبت بیرگن ایکینچیلیک، سوولنتیریش و چارواچیلیک وزیرلیگی‌نینگ اورمانلر بولیمی باشلیغی محمدامان امانیار، مملکت اورمانلریگه قیته جان بیریش‌دن سوز یوریتیب ایتیشیچه، بو توغریده 1381- ییل‌دن بویان اورمانلرگه کیلگن اوزگریش مقداری اورنک شکلده بیان ایتیلگن.
جناب امانیارنینگ ایتیشیچه، ایکینچیلیک وزیرلیگی اوتگن 16 ییل‌ده چمه‌سی 10 مینگ هکتار ییرنی پسته و جلغوزه اورمانلری بیلن تولدیرگن و شونینگ‌دیک، کته شهرلرده یشیل کمربندلرنی کینگه‌یتیرگن.
اونگه کوره، ییل‌ده اورته شکل ایکی میلیون آغاچ چیقاریله‌دی و برچه دولتی اداره‌لر، شهری منطقه‌لر، یشیل کمربندلر و اورماندارلیک جمغرمه‌لریگه ترقه تیله‌دی.
بونگه قوشیمچه، طبیعی اورمانلر اوستیگه بولگن باسقین‌لر کمه‌ییشی اوچون ایکینچیلیک وزیرلیگی تیز اوسه‌دیگن باغچه‌لر توزه‌تیب و چنار ایکه‌دی.
عین حالده، یشش محیط‌نی سقلش ملی اداره پالیسی اورین باسری عبدالولی مدقق، ایکینچیلیک وزیرلیگی تامانیدن اورمانلر کوپه‌یگنی توغریسیده بیریلگن رقم‌نی مبالغه دیب بیله‌دی.
مدقق‌نینگ ایشانچی‌گه کوره، بونده‌ی بیر شکلده تیزلیک‌ده کوپه‌ییش امکان‌سیز دیر.
اونینگ کوپه‌یتیریشیچه، اورمانلرنی قوریش اوچون بیزلرنینگ بیرینچی قیله‌دیگن ایشیمیز قاچاق و کیسیلیشی‌گه توسیق بولیش دیر.
خوست، ننگرهار، لغمان، کنر، نورستان، پکتیا و پکتیکا ولایت‌لری مملکت اورمانلریدن کوپینچه‌سینی اوزلریگه جای بیرگن. شو یوزه‌دن ایکینچیلیک مسؤوللری، اوشبو ولایت‌لرده اورمانلر دواملی شکلده کیسیلیشی‌دن خواطر بیلدیره‌دیلر.
خوست ولایتی‌نینگ ایکینچیلیک ریاستی طبیعی منبع‌لر و اورمانلر بولیمی باشلیغی و کنر ولایتی‌نینگ ایکینچیلیک ریاستی باشلیغی انعام‌الله صافی‌نینگ ایتیشیچه، اورمانلر حاضرگچه کیسیله‌دی.
صافی‌نینگ کوپه‌یتیریشیچه، چپه‌دره، مانوگی، ناری، غازی‌آباد و اسمار تومن‌لریده اورمانلر دواملی شکلده قاچاق بوله‌دی.
شونده‌ی بیرحالده، ایکینچیلیک وزیرلیگی مسؤوللری‌نینگ ایتیشیچه، اوشبو وزیرلیک‌نینگ 5 ییل‌لیک استراتیژیسی‌ده نظرگه آلگن بودجه (کمیده 248 میلیون دالر) یاردم بیرووچی مملکت‌لر تامانیدن بیریلگن صورتده، مملکت‌ده بوتون اورمانلر ایکینچیلیک وزیرلیگی تامانیدن مدیریت بوله‌دی.
