بوگون «پنج‌شنبه» مملکت‌ده یوز بیرگن سونگی موضوعلر توغریسیده خبری ییغین اوتکزگن افغانستان ملی کنگره حزبی نی رهبری عبداللطیف پدرام نینگ ایتیشیچه، تاشکینت ییغینی افغانستان تینچلیگی اوچون یخشی نتیجه بیریشی کوتیلردی؛ بیراق بو ییغین امریکا منفعتی تأمین‌لنیشی اوچون اورته آسیا مملکت‌لری‌نینگ دقتی‌نی قوشمه ایالت‌لردن دفاع قیلیش گه جلب ایتیش اوچون یولگه قوییلگن.
بیراق، حکومت بو ییغین‌نی یوتوقلی بیلیب ایتیشیچه، افغانستان اوچون تاشکینت ییغینی ایجابی نتیجه بیرگن. باشقه بیر ییغینده اجراییه ریاستی سوزلاوچیسی اورین باسری جاوید فیصل‌نینگ ایتیشیچه، افغانستان تینچلیگی توغریسیده تاشکینت ییغینی افغانستان اوچون اینگ اونملی ییغین ایدی.
سوزلرینی باشقه بیر بولیمی‌ده جناب پدرام نینگ ایتیشیچه، جاری ییل افغانستان اوچون بحرانلی و قیین ییل بولیشی ممکن.
تاشکینت ییغینی افغانستانده اوروش گه نقطه قوییلیشی اوچون ییچیم یول آختریش نیت‌ده 27- مارچ ده بیر کونلیک اوزبیکستانده یولگه قوییلدی. اوشبو ییغینده جمهور رئیس غنی گه قوشیمچه، اوزبیکستان جمهور رئیسی میرضیایوف و شونینگ‌دیک، باشقه 23 مملکت نماینده‌سی اشتراک قیلگن.
