افغانستان ملی مجلسی زابل ولایتیده باشی کیسیلیب اولدیریلگن 7 یولاوچی و ننگرها، هلمند، بدخشان و باشقه ولایت‌لرده نابرقرارلیک‌لر میزانی آشگنی اوچون جمهور رییس و اجراییه باشلیغی‌نی پارلمانگه چقیریش باره‌سیده قرار قبول قیلگن‌لر. مجلس‌نینگ بوگونکه عمومی ییغینی‌ده سنا مجلسی و ملی مجلس‌دن عبارت قوشمه کمیسیون ایجاد ایتیلیب، حکومت رهبرلری چقیرتیریله‌دی.
نماینده‌لر مجلسی‌نینگ اعضاسی داوود کلکانی‌گه کوره، بو توغریده هنوزگچه ملی مجلس اعضالری قطاری‌نینگ امضاسی ییغیلگن و سنا مجلس اعضالری امضاسینی ییغیش اوچون هم سعی وحرکت‌لر بار.
مجلس اعضالری 7 تینچ اهالی‌نینگ باشی کیسیلگنی نی«جنایت» دیب، افغانستان دشمن‌لری مذکور یولاوچی‌لرنی اولدیریش بیلن تیل و قوم موضوعلرینی دامن اوریش‌گه حرکت قیله‌دیلر. لیکن، مملکت دشمن‌لری هیچ بیر زمان بونده‌ی شوم پلان لریگه کامیاب بولمی‌دیلر.
ملی مجلس اعضالری مذکور اعلامیه‌ده دنیا جماعه‌چیلیگی، ناتو وحکومت‌دن مملکت اهالیسی تقدیریگه جدی اعتبار قره‌تیشنی سوره‌گنلر.
