افغانستان حکومتی تامانیدن نیازمندلرنینگ احتیاجلری برطرف ایتیلیشی اوچون «ملی دسترخوان» برنامه‌سی یولگه قوییلیشی خصوصیده قرار قیلینگن. اوشبو برنامه حکومت تامانیدن نیازمندلرنینگ احتیاجلری برطرف ایتیلیشی اوچون باشقه ایکی برنامه تطبیق ایتیلگنیدن سونگ، عمل گه آشیریله‌دی.
بیرینچی برنامه نیازمندلرگه بوغدای بیریش و ایکینچی برنامه اولرگه قوریق نان ترقه‌تیش ایدی. بیراق، اوشبو ایکی برنامه نینگ تطبیقاتی قیینچیلیک‌که دوچ کیلدی کینگ شکلده مالی فساد یوز بیردی.
میدیالرنینگ تحقیقی گزارشلری گه کوره، کابل شهریده قوریق ترقه‌تیلیشی اوچون اختصاص بیریلگن پول دن 800 میلیون دن آرتیغی شهردارلیک مسؤوللری، ییگولیک آذیق-آوقت بیرلیگی و کابل شهری نینگ نانوالری تامانیدن ایش حقی نامیده تالان قیلینگن.
قوریق نان ترقه‌تیش جریانیده کینگ شکلده فساد یوز بیرگنی توغریسیده میدیالر تامانیدن کوپلب گزارش ترقه‌تیلدی، بیراق کابل شهرداری داوود سلطان زوی، جمهور رئیس تامانیدن تقدیرلندی.
نیازمندلرگه بوغدای و قوریش نان ترقه‌تیش برنامه‌لری ناکام بولگنیدن سونگ، اوتگن کون جمهور رئیس غنی نینگ خبری بیر ییغینده اعلان قیلیشیچه، بوغدای و قوریق نان ترقه‌تیش گه بدیل برنامه دنیا بانکی نینگ مالی یاردمی بیلن کیله‌سی 20 کون گچه باشلنه‌دی.
اوشبو برنامه نی توپلم خرجتی 244 میلیون دالر دییلگن. بو برنامه ایکی باسقیچ ده عمل گه آشیریله‌دی.
اوشبو برنامه نینگ بیرینچی باسقیچی نی خرجتی 86 میلیون دییله‌دی و افغانستان نینگ 123 تومنیده 1.67 میلیون عایله گه ترقه‌تیله‌دی. ایکینچی باسقیچی نینگ خرجتی 158 میلیون دالر بولیب و افغانستان نینگ 235 تومنیده 2.5 میلیون عایله گه اون، یاغ، برنج و باشقه ماده‌لر ترقه‌تیله‌دی.
بو برنامه کم‌بغل‌لیک نی کمه‌یتیریش خصوصیده بولگن ایلگری برنامه‌لردن یخشی دیر، بیراق قنده‌ی بیر شلکده عمل گه آشیریلیشی خواطرلی دیر. حاضرگه‌قدر نیازمند عایله‌لر تانیلیشی و بو پول قنده‌ی بیر شکلده صرفلنیشی توغریسیده بولگن میکانیزم میدیالر و اهالی بیلن شریک قیلینمه‌گن و بو برنامه ده فساد آلدی قنده‌ی آلینیشی معلوم بولمه‌گن.
ملی دسترخوان برنامه‌سینی ایلگری برنامه‌لردن اجره‌ته‌دیگن نرسه اوشبو ریجه حکومت نینگ شریک‌لری یعنی مؤسسه‌لر و محلی کینگش‌لر تامانیدن عمل‌گه آشیریلیشی دیر. افغانستانده اجتماعی خذمت قیله‌دیگن مؤسسه‌لر دولت قدر فساد عادی‌لنیشی گه رول اوینشمه‌گن و اهالی آره‌سیده بیر آز ایشانچ گه ایگه بولگن.
جمهور رئیس غنی اوتگن کونگی نطقی ده مملکت ده قشاقلیک میزانی گه هم اشاره قیلدی. جمهور رئیس گه کوره، حاضر مملکت اهالیسی دن 90 فایزی قشاقلیک ده حیات کیچیره‌دی.
میلادی 2020- ییل باشله‌نیشی بیلن کرونا ویروس رواجلنیشی نتیجه‌سیده اهالی نینگ اقتصای وضعیتی ایلگریدن یامان بولیب و میلیونلرچه انسان ایشلرینی قولدن بیریشدی.
اوتمیش ده بیریلگن رقم‌لرگه کوره، مملکت ده چمه‌سی 9 میلیون کیشی ایش‌سیز بولگن، بیراق جاری ییل بو رقم ایکی برابر بولیب و ایش‌سیزلرنینگ سانی 18 میلیون گه آشگن. ایش‌سیزلیک و عایله‌لرنینگ یامان اقتصادی وضعیتی باعث، ایش قیلووچی باله‌لرنینگ سانی هم 8 میلیون گه آشگن و خطر تهدیدی ده بولگن باله‌لر هم 2 میلیون کوپه‌یگن.
