افغانستان ملی خوفسیزلیک ادارهسینینگ بلند مرتبهلی رسمیلری، داعش گروهینی نابود قیلیش اوچون مخصوص ایش گروهی ایجاد قیلگنلیکلرینی خبر بیرگنلر.
اوشبو ریاست سوزلاووچیسی عبدالحسیب صدیقی نینگ مدافعه و ایچکی ایشلر وزیرلیگی سوزلاووچیلری بیلن بولگن قوشمه خبری انجمنیده ایتیشیچه، داعش افغانستان امنیتی اوچون ییریک تهدید دیر.
جناب صدیقی، ملی خوفسیزلیک باشقرمهسینینگ حربیلری باشقه امنیتی ادارهلر همکارلیگی بیلن داعش گروهی نی نابود قیلیش اوچون اوروش آلیب بارماقدهلر دیگن.
شونینگدیک هلمند ولایتیده داعش گروهینینگ قوماندانی ملاعبدالرووف خادم اولدیریلگنی توغریسیده اشاره قیلگن صدیقی، ملی خوفسیزلیک ادارهسی سابقده هم داعشنی نابود قیلیش اوچون ایریم یوتوقلرگه ایریشگن دیگن. ملا خادم، خراسانده اسلامی دولت گروهی نینگ رهبری حافظ سعیدنینگ اورین باسری بولگن. حافظ سعید اوتگن ییل هلمند ولایتیده اولدیریلگن ایدی.
عین حالده، ییغینده سوزلهگن ایچکی ایشلر زویرلیگینینگ سوزلاووچیسی صدیق صدیقی، داعش گروهی هلمند، فراه وننگرهار ولایتلریده فعال بولگنلرینگی ایتگن.
جناب صدیقیگه کوره، افغان ملی کوچلری بیر هفتهدن بویان مذکور گروهنی نابود قیلیش اوچون قوشمه حربی عملیاتلر یولگه قویگنلر
ایچکی ایشلر وزیرلیگی سوزلاووچیسی، ملی کوچلر اوتگن کون داعشنینگ 7 اعضاسینی اولدیریب باشقه 4 سینی قولگه آلگنلر. ایتیلیشیچه، هنوزگه ننگرهار ولایتیده بو گروه نینگ 35 اعضاسی اولدیریلگن.
باشقه تاماندن مدافعه وزیرلیگی سوزلاووچیسی دولت وزیریگه کوره، داعش گه قرشی کورهشیش فقط افغانستان ایشی ایمس، بلکه مذکور گروه نابود ایتیلیشی اوچون منطقه و دنیا مملکتلری افغانستان بیلن همکار بولیشی لازم.
شونینگدیک جناب وزیری، افغانستان حاضرگی کونده ترورچیلر بیلن اوروش قیلیشده بیرینچی خطده دیگن، قوشنی مملکتلر مساله اوچون بی فرق قالمی بوتوغریده جدی همکارلیک قیلیشلری شرط.
جناب وزیری، افغان ملی کوچلری اوتگن 24 ساعت ایچیده 8 ولایتده 10 حربی تازهلش عملیات اوتکزگنلرینی ایتگن، نتیجهده 37 طالب اولدیریلگن و 4 طالب قولگه آلینگن.
عینحالده، ایچکی ایشلر وزیرلیگی سوزلاووچیسی، ملی پولیس کوچلری تامانیدن اوتکزیلگن عملیاتده جنگریلرنینگ 44 ده نابود ایتیلیب، باشقه 4ته سی یرهلنتیریلگن دیگن.
افغانستانده داعشنی فعالیتگه باشلهگنلیگی توغریسیده بوندن بیر ییل آلدین گزارشلر نشر ایتیلگن ایدی، اما، اوشه وقت دولت رسمیلری مذکور گروه موجودلیگینی رد قیلردی.
لیکن، حاضرگی کونده مذکور گروهنینگ موجودلیگی افغانستانده جدی مسالهگه ایلنگن. بوگونگه کیلیب حکومتنینگ مسووللری، داعش ایریم ولایتلرده فعالیتگه باشلهگن لیگینی تن آلگنلر.
