افغانستان نماینده‌لر کینگشی ملی تدارکات کمیسیونی‌نینگ ایرکین اداره صفتیده قبول قیلدی.
ملی تدارکات نی سابق قانونی‌ده، تدارکات کمیسیونی حکومت‌نینگ اداری ایشلر بولیمی تشکیلاتیده ایدی. بیراق، بوگون اوشبو قانون گه نماینده‌لر کینگشی‌نینگ مالی و بودجه کمیسیونی تامانیدن کیریتیلگن اوزگریش اساسیده، ملی تدارکات کمیسیونی ایرکین اداره صفتیده تکلیف ایتیلدی.
نماینده‌لر کینگشی‌نینگ مالی و بودجه کمیسیونی گه کوره، بو اوزگرتیریش‌‌دن مقصد ملی تدارکات کمیسیونی‌نینگ جواب بیریش میزانی آشیشی و حکومت‌نینگ صلاحیتی کمه‌ییشی دیر.
ملی تدارکات قانونی گه اوزگریش کیریتیلگن ریجه ارایه ایتیلگنیدن سونگ، نماینده‌لر کینگشی باشلیغی عبدالرؤوف ابراهیمی، ملی تدارکات قانونی‌نینگ اوزگریش ریجه‌سینی آواز بیریش گه قویدی و بو ریجه کوپینچه ایجابی آواز نتیجه‌سیده، نماینده‌لر کینگشی اعضالری تامانیدن تصدیق‌لندی.
مالی و بودجه کمیسیونی اعضاسی صدیق‌احمد عثمانی‌نینگ ایتیشیچه، ملی تدارکات قانونی گه نماینده‌لر کینگشی تامانیدن کیریتیلگن اوزگریش اساسیده، حکومت‌نینگ صلاحیتی کمه‌یگن و ملی تدارکات کمیسیونی‌نینگ جواب بیریش میزانی آشگن.
جناب عثمانی‌نینگ کوپه‌یتیریشیچه، ملی تدارکات قانونی‌نینگ ینگی اوزگریشی‌ده، کمیسیون جمهور رئیس گه جواب بیریشی یانیده، نماینده‌لر کینگشی برابریده هم مسؤول بولیب و جواب بیره‌دی.
نماینده‌لر کینگشی‌نینگ مالی و بودجه کمیسیونی اعضالریگه کوره، ملی تدارکات قانونی بوندن باشقه اوچ مرته اوزگرگن، بیراق نماینده‌لر کینگشی و حکومت رسمی‌لریدن بیرقطاری‌نینگ شکایتی باعث، مذکور کمیسیون بو قانون‌نینگ ایریم ماده‌لری اوزگریش ریجه‌سی اوستیگه بیر یریم ییل ایش قیلگن.
