بوگون «سه‌شنبه» کابل‌ده خبری بیر ییغین اوتکزگن ینگی ملی جبهه سوزلاوچیسی سیدجواد حسینی‌نینگ ایتیشیچه، مذکور جبهه و افغانستان ملی بویوک ائتلافی آره‌سیده جنجل چیققنی باعث، بوندن کیین ملی بویوک ائتلافی بیلن قوشمه فعالیت‌لریگه دوام بیرمه‌ی و علاقه‌سینی رسمی شکلده کیسه‌دی.
حسینی گه کوره، افغانستان ینگی ملی جبهه‌سی ملی بویوک ائتلاف چارچوبه‌سیده جمهورلیک ریاستی سیلاوی اوچون بیرلشمه بیر گروه تانیشتیریلیشی توغریسیده امید قیلردی؛ لیکن دولت تشکیلاتی و کیله‌جک حکومت‌ده اجراییه ریاستی موجودلیک فلسفه‌سی اوستیگه بولگن قره‌مه قرشی‌لیک‌لر باعث، بو همکارلیک‌لر بوندن آرتیق دوام ایتمه‌یدی.
افغانستان ملی ینگی جبهه اعلامیه‌سیده کیلیشیچه، بو جبهه بوندن سونگ، سیاسی فعالیت‌لرینی ایرکین شکلده آلغه آلیب باره‌دی.
بیراق، افغانستان ملی بویوک ائتلافی‌نی اعضاسی محمد ناطقی، اجراییه ریاستی وجودی اوستیگه بولگن قره‌مه قرشی‌لیک‌لرنی بهانه بیلیب ایتیشیچه، ملی ینگی جبهه رهبری انورالحق احدی‌نینگ جمهورلیک ریاستی سیلاویده نامزد بولیش اوچون جدی علاقه‌سی بار ایدی و شونینگدیک ایتیشیچه، ائتلاف نامزدی بولگن صورتده، اجراییه ریاستی‌نی قبول قیله‌دی.
ناطقی گه کوره، افغانستان ملی بویوک ائتلافی جناب احدی شامل جمهورلیک ریاستی سیلاوی اوچون اینگ یخشی نامزدلر رویخطی‌نی تیارلش اوچون بحث قیلردی.
افغانستانده ائتلاف‌لر تیزلیک‌که تشکیل ایتیله‌دی؛ لیکن نیچه آی یا-ده نیچه کوندن سونگ، قیته‌دن ترقاقله‌شیب و نابود ایتیله‌دیلر.
