.jpg)
مملکت معارف وزیری اسدالله حنیف بلخی، مذکور زویرلیک حج‌واوقاف زویرلیگی همکارلیگی بیلن سوادسیز قالگن باله‌لر و کیکسه‌لر اوچون سوادخوانلیک لایحه‌سی تیار قیلیش‌لرینی ایتگن. لایحه اساسی‌ده اوشبو ایکّی یاش گروه‌گه مسجدلر و تکیه‌خانه‌لرده امام مسجدلری طرفی‌دن حیاتی سواد اورگه‌تیله‌دی.
مذکور طرح‌نینگ بیر بولیمی معارف و حج‌و اوقاف وزیرلیگی اورته‌سی‌ده امضالنگن کیشیلووگه کیریتیلگن. مذکور شرطنامه اساسی‌ده ایکّی وزیرلیک هم مملکت بویلب سوادسیزلیک‌که قرشی کوره‌شیش اوچون بیر – بیراویگه همکارلیک قیله‌دی.
مملکت معارف وزیری جناب بلخی، سوادسیز کیشی‌لرنی اوقیته‌دیگن اماملر همده خطیب‌لرگه اوشبو وزیرلیک همکارلیک قیلیب، معین نفقه بیره‌میز دیگن.
شونینگ‌دیک جناب بلخی، بو لایحه عمل‌گه آشیریلیشی بیلن افغانستان بویلب سواد‌سیزلیک میزانی توشیریلیشی‌گه امید بیلدیرگن.
عین‌حالده، مملکت حج‌و اوقاف وزیری فیض‌محمد عثمانی، مملکت بویلب 150مینگ مسجد وزیرلیک تامانی‌دن رویخط‌گه آلینگن دیب، وزیرلیک سوادسیزلیک‌که کوره‌شیش اوچون بوتون مسجد و تکیه‌خانه‌لردن ایش آلیشنی بیلدیرگن.
دولت یوقاری مرتبه‌لی رسمیلری، هنوز هم افغانستان خلقی‌نینگ 62% سوادسیز ایکن‌لیگی‌نی ایتگن‌لر؛ حال بوکه مملکت بویلب فقط 16 مینگ سواد اورگه‌تیش مرکزی موجود.
