مصر هوا یوللر وزیرلیگی، مملکتینینگ یولاوچی تَشیوچی بیر طیارهسی اورته ییر دینگیزیگه قولّب توشگنلیگی بارهسیده خبر ترقتدی.
ایتیلیشیچه، مذکور طیارهده 56 یولاوچی ینه 10 خادم هم بولگن. اوچاق پاریسدن مصر پایتختی قاهره تامان کیله دیگنده حادثه گه دوچار بولگن.
بوندن آلدین ترقه تیلگن گزارشلرده مذکور اوچاق مصر توپراغیده دَرکسیز یوقالگنی ایتیلگن ایدی. شونینگدیک اخبارات واسطهلریگه بیریلگن گزارشلرده، ییردن 37000 فت یوقاریده بولگن اوچاق ایرتلب تانگ وقتی بیلن ساعت 2:45 دقیقهده مصر قونالغهسینینگ اون آلتی کیلو متر اوزاقلیگیدهگی حدودلریده راداردن یوقالگن.
ایندیپیندینت خبر آژانسی، مصر دولت یوقاری مرتبهلی رسمیلریدن تشکیل بولگن کمیته طیاره قالدیقلرینی قدیریشگه باشلهگنلیکلرینی معلوم قیلگن. بو حقدهگی تفصیلاتلر تیزلیکده خلق اختیاریگه قوییلیشی تاکیدلنگن.
