د روسیې یوه ستر ډېپلوماټ په مسکو کې د طالبانو له استازیو سره د لیدنې پر مهال ویلي چې روسیه له افغانستانه د امریکايي ځواکونو د وتلو ملاتړ کوي. اسوشېټېډ پرېس خبري اژانس خبر ورکړی چې دا لیدنه د مسکو دوه ورځنۍ غونډې په څنډه کې چې د افغان سیاستوالو او طالبانو ترمنځ جوړه شوې وه، شوې ده.
د راپور له مخې، د افغانستان لپاره د روسیې د ولسمشر ځانګړي استازي ضمیر کابلوف ویلي، مسکو چمتو دی چې له افغانستانه د امریکايي ځواکونو د وتلو برخه کې د امریکا او طالبانو ترمنځ منځکړتوب وکړي.
دا په داسې حال کې ده چې د مسکو غونډې ته د طالبانو د مرکچي پلاوي یوه غړي هم له امریکا سره له افغانستانه د امریکايي ځواکونو د وتلو په اړه د هوکړې خبر ورکړ؛ هغه خبر چې د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد رد کړ.
د مسکو غونډه؛ ټول بهرني ځواکونه دې ووځي
په ځېنو ولایتونو کې مسکو غونډې په غبرګون لاریونونه
د مسکو په غونډه کې څه تېر شول؟
د مسکو غونډه تېره اوونۍ د افغان حکومت په نه موجودیت کې جوړه شوه؛ پهدې غونډه کې د حامد کرزي په ګډون یو شمېر افغان سیاستوالو برخه اخیستې وه.
دا غونډه د یوه پرېکړهلیک په خپرولو پای ته ورسېده. افغان حکومت د سولې خبرو اترو د بریا برخه کې دا غونډه بېګټې بللې ده.
