مزار شریف شهریده قیزینی طلاقی‌نی آلیش اوچون باش قره‌لاوچیلیک اداره‌سی تامان حرکت‌ده بولگن خانه‌دان، عایله‌نینگ کیاوی تامانیدن قول بامبه‌سی بیلن نشانگه آلینگن.
بلخ ولایت والیسی‌نینگ سوزلاوچی‌سی شیرجان درانی حادثه‌ده قیزنینگ آنه‌سی، موتر هیداوچی‌سی هلاک بولگن و باشقه اوچ کیشی تن جراحتی آلگن دیدی.
بلخ ولایت والیسی‌نینگ سوزلاوچی‌سی واقعه عایله‌وی قیین‌چیلیک باعث یوز بیرگن دیگن. حادثه نینگ عاملی واقعه ییریدن قاچیش‌گه موفق بولگن.
شونینگ‌دیک جناب درانی، ولایت پولیس مسوول‌لری، حادثه عاملی قولگه آلینیشی اوچون تیرگاو باشلنگن دیگن.
ابن‌سینا حوزه‌وی شفاخانه‌سی‌نینگ باشلیغی خواجه نورمحمد فیض، حادثه ده یره‌لنگن‌لر شفاخانه‌گه آلیب کیلینگن‌لر دیگن. ایتیلیشیچه، یره‌لنگن‌لرنینگ ساغلیق احوالی آغیر بولگن.
