طالبان گروهی نیچه کوندن بویان بغلان ولایتی نینگ ایریم قسمت‌لری اوستیگه هجوملرینی شدتلنتیرگن. مذکور گروه اوتگن کون کیچ قورون مرکزی بغلان تومنی نینگ کته بیر بولیمی‌نی نظارت گه آلیب و پلخمری شهریده قطار عسکرلرنی آتیب اولدیرگن.
بغلان ولایتی کینگش باشلیغی محمدصفدر محسنی نینگ سلام‌وطندارگه ایتیشیچه، مرکزی بغلان تومنی نینگ ایریم قسمت‌لری سیاسی معامله آرقه‌لی، طالبان گروهی‌گه تاپشیریلگن.
بغلان ولایتی کینگش باشلیغی‌گه کوره، امنیتی کوچلردن بیرقطاری اوچ کوندن بویان طالبان قمراویده قرار تاپگن.
حسن تال منطقه‌سی یشاوچیسی محمدخان نینگ سلام‌وطندارگه ایتیشیچه، اوشبو منطقه‌ده اوروش باشلنگندن بویان اونلرچه عایله آواره بولگن و طالبان گروهی قطار مسکونی اوی‌نی اوتگه تارتگن.
عین‌حالده، امنیتی منبع‌لردن بیری‌‌نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو منطقه‌ده جای‌لشگن 5 امنیتی پوسته طالبان قولیگه سقوط قیلگن و بومنطقه یشاوچی‌لریدن کوپ قطار آواره بولگن.
عین‌حالده، بغلان پولیس قومندانلیگی سوزلاوچیسی احمدجاوید بشارت نینگ حسن تال منطقه‌سی سقوط قیلگنی‌نی رد قیلیب ایتیشیچه، مذکور منطقه امنیتی کوچلر نظارتی‌گه دیر.
