افغانستان مخدرماده‌لرگه قرشی کوره‌شیش وزیری خانم سلامت عظ‌یمی‌نینگ بوگون ملی مجلس‌ده ایتیشیچه، مخدرماده‌لرگه قرشی کوره‌شیش اوچون بیرینچی آدیم‌ده شهرده‌گی برچه بنگوار ماده‌سی‌گه بیریلگن‌لر ییغیله‌دی.
مملکت‌ده مخدرماده‌لرگه بیریلگن‌لر سانی باره‌سیده اشاره قیلگن خانم عظیمی، میلادی 2015- ییلده امریکا قوشیمه ایالت‌لری افغانستان ساغلیق‌نی سقلش وزیرلیگی همکارلیک بیلن اوتکزگن تیکشرووده، مملکت بولیب 3.5 میلیون انسان مخدر ماده‌لرگه بیریلگ‌نی انیق لنگن دیگن.
عین حالده، مذکور وزیر لیک‌نی 2012- ییلده بیرگن گزارشی‌ده بو سان مملکت بولیب 1.5 میلیون کیشی بولگن.
مخدرماده‌لرگه قرشی کوره‌شیش وزیری نینگ نماینده‌لرگه خطاب قیلیب ایتیشیچه، مخدر ماده‌لرگه بیریلگن‌لر وضعیتی‌نی تیکشیریش اوچون نیچه وزیرلیک اعضالریدن تشکیل ایتیلگن
کمیسیون مساله اوچون جدی بولمی، ایریم وقت‌لرده قطار اعضالری کمیسیون اولتیریش‌لریده هم حاضر بولمه‌گن‌لر.
خانم عظیمی، جمهور رییس غنی بیلن بولگن ملاقاتی‌ده، جمهور رییس بوندن بویان هر ییلده اوچ مرته اوتکزیله دیگن کمیسیون نینگ جسله‌سی‌ده اشتراک قیلیش‌دن سوز بیرگن.
عظیمی، مملکت بولیب مخدرماده‌لرگه قرشی کوره‌شیش اوچون ملی بسیج‌گه احتیاج بارلیگینی ایتگن.
نماینده‌لر مجلسی‌نینگ رییسی عبدالرووف ابراهیمی نینگ ییغین سونگی‌ده ایتیشیچه، مخدر ماده‌لرگه قرشی کوره‌شیش وزیری‌نینگ بیرگن جواب‌لری اصلا قانیقرلی بولمه‌گن.
بو بیلن ایکّی مرته خانم عظیمی نماینده‌لر مجلسی تاماندن پارلمان‌گه چقیریله‌دی. اونی، پارلمان‌گه چقیریلیشیدن اساسی مقصد مملکت بولیب مخدر ماده‌لرگه بیریلگن‌لر سانی آشگن‌لیگی سببب بولگنی ایتیله‌دی.
کابل داخل ایریم ولایت‌لرنینگ اهالی‌سی مخدر ماده‌لرگه بیریلگن شخص‌لر کوپینچه وقت‌لر کوچه‌لر و خیابان‌لرده کوزه‌تیلیشی باره‌سیده خواطر بیلدیریب کیله‌دیلر. اهالی دولت‌دن مساله اوچون جدی بولیشینی سوره‌گن‌لر.
