قطار مدنی جامعهچیلیک فعاللری فرخنده قتلینینگ دوسیهسی توغریسیده محکمه حکمینی تنقید قیلیب، دوسیهگه سیاسی ارهلهشیلگنلیگینی ایتگنلر.
مدنی فعاللر، مذکور دوسیه خصوصیده عدالت سیزلیک بولگن تقدیرده، فرخنده واقعه تکرار بولیشیدن تشویش بیلدیرگنلر.
افغان عیاللر ترماق اعضاسی و فعال عیاللردن بیری محبوبه سراج نینگ ایتیشیچه، 19 پولیس توغریسیده محکمه نینگ چیقارگن قراری سیاسی دیر.
ایتیلیشیچه، محکمه حادثه ده قولی بولگن تینچ اهالی بیلن پولیس اورتهسیده فرقلی حکم چیقارگن.
بانو سراج نینگ ایتیشیچه، قضایی ادارهلر سیاسی باسیم آستیگه کیتمسلیگی کیرهک. وضعیت بوندهی بولسه قضایی ادارهلرگه نسبتن خلق نینگ ایشانچی کَمیهدی.
مدنی فعاللر بیر اعلامیه ترقهتیب، جمهور رییس و اجراییه باشلیغیدن قضایی ادارهلر تامانیدن عدالت تامین ایتیلیشینی سوره گنلر.
اعلامیهده کیلیشیچه، مدنی فعاللر فرخنده دوسیهسی نینگ جدی شکلده تیکشیرهدی و آچیق لنمهگن موضوعلرنی آچیقلشگه حرکت قیلهدی.
بیراق، فرخندهنینگ دوسیهسی نینگ قاضیسی صفیالله مجددی نینگ سلام وطندارگه ایتیشیچه، محکمه حکمی عدالتلی و قانونی دیر.
فرخنده دوسیهسی نینگ تیکشیروچی محکمه، عیب لنگن کیشیلر ایچیده 4 ته سینی دارگه تارتیش و 8 ته سینی 16 ییل آزادلیکدن محرم قیلگن.
شونینگدیک محکمه کابل شهری ایکینچی امنیتی حوزه آمری قوشیمچه 11 پولیسنی وظیفه لریگه دقت قیلمهگنی باعث بیر ییل آزادلیک دن محروم قیلگن.
فرخنده ملکزاده اوتکن ییل حوت آیی نینگ 28- سیده کابل شهرینینگ مرکزی بولمیش شاه دوشمشیرهده عضب لنگن
قطار کیشیلر آرقهلی تاش لهنیب اولدیریلگندن سونگ جسدی اوتگه یاندیریلدی.
