افغانستان صناعت و تجارت وزیری همایون رسانینگ ایتیشیچه، حاضر کابلده گاز نرخی توشگن و بو اوز گیریش ایسه قیسقه مددتدن کیین مملکت بوتون ولایتلریگه کیلیشی ممکن.
بوگون (شنبه) تجارت وزیری جناب رسا و افغانستان مرکزی بانک رییسی بیلن ملی مجلسگه جوابگرلیککه چقیریلگن ایدی. حکومت رسمیلرینینگ ملی مجلسگه چقریلگندن نییت گاز نرخی همده افغانی پول دالر مقابلیده اوز ارزشی نی قولدن بیریش بولگن. جناب رساگه کوره، ترکمنستان بیر آیدن بیری کارخانهلرینی تازهلش بیلن بند بولگن و انه شو دلیل ایسه مذکور مملکتدن گاز کیلتیریش توختهتیلگن.
جناب رساگه کوره، حاضر کابلده بیر کیلیو گاز 55 افغانی گه توشگن و تورت کوندن سونگ ترکمنستاندن گاز کیلتیریلیشی بیلن بو نرخ ایسه مملکت بویلب ارزان بولهدی.
مملکت صناعت و تجارت وزیرلیگینینگ سوزلریگه قرهگنده آذربایجان بیلن 150 میلیون تن گاز شرطنامهسی امضالنگن شونینگدیک تیزلیکده روسیه بیلن هم 72 مینگ تون یاقیلغی مادهسی اوچون کیلیشوو امضالنهدی.
گزارشلرده قید ایتیلیشیچه، مملکتده گاز نرخی ثابت حالده قالیشی اوچون افغانستان حکومتی کیلگوسی آیلرده ایکی گاز قوورینی تورغندی و آقینه بندرلریگه کیلتیرهدی.
افغانستان جاری ییل دسامبر آییده تجارت خلق ارا تشکیلاتی نینگ اعضالیگینی آلدی و بو اعضالیک ایسه مملکت تجارتی اوچون ایجابی تاثیری قالدیرهدی.
شونینگدیک اوتگن هفته فریدالله شیرزی هم تیزلیکده گاز نرخی ارزان بولیشینی بیلدیرگن ایدی.
اما ملی مجلس اعضالریدن بیری خالد پشتونگه کوره، مرکزی بانک رییسینینگ جوابگرلیک نمایندهلر مجلس اعضالرینی قانیقدرگن.
