طالبان حرکتی رهبری ملا محمد عمرنینگ ترجمه حالی ترقه تیلگن لیگی آرتیدن، مملکت قطار سیاسی ایش بیلرمانلری نینگ ایتیشیچه، بو ایش بیلن طالبلر ملا عمر تیریک ایکنلیگینی کورسته تیشگه حرکت قیلهدی. طالبلر گروهی کوتیلمهگن بیر پیتده ملاعمرنی رهبر ایتیب تعین لنگنلیگی نینگ اون توقیز ییللیگی مناسبتی بیلن نشر قیلگنلر.
اوشبو نامه کوتیلمه گن همده نیمه اوچون بوندهی بیر وقتده ترقه تیلیشی کیشیلر ذهنیده ایریم سواللرنی توغدیرگن. 5000 سوزدن عبارت ملا محمد عمر حیاتیگه عاید اوشبو نامه طالبلرگه قرهشلی انترنت صحیفه سیده نشر ایتیلگن.
طالبلر رهبری ترجمه حالیده اونی « آر، پی، چی ییتی» رسوملی قوراللنی یاقتیره یاتگنلیگی ایسله تیلگن. ایتیلیشیچه، ملاعمرنینگ تیریکچیلیگی ساده عین حالده خوش طبع شخص بولگن. سیاست شناسلرگه کوره، سیاسی شخصیتلر بیوگرافیسی نشر ایتیلیشی، اینیقسه سیاسی – حربی رهبرنینگ ترجمه حالی ترقهتیلیشی هر بیر جریان نینگ دستلبکی ایشلری جمله سیدن.
بو توغریده سوزلهگن سیاست شناس محمد عاصمگه کوره، نیچه ییلدن بیری سیاسی همده حربی جریاننی رهبرلیک قیلگن ملا محمد عمر تیریکچیلیگی حقیده نشر ایتیلگن نامه اوچون کیشیلر ذهنیده توغیله دیگن بیرینچی سوراق، نیمه اوچون بوندن آلدین طالبلر بوندهی فعالیتگه قول اورمه گن.
اونگه کوره، طالبلر حرکتی مذکور ایشگه قول اوریش بیلن سیاسی بیر مقصدنی کوزلهگن بولیشی ممکن. باشقه تاماندن ایریم سیاسی تحلیلچیلر، طالبلر آرقهلی ملا عمرنینگ تیریکچیلیگیگه عاید نامهنی نشر ایتیلیشیدن نیت، بوگروه داعش برابریده تورگن لیگیدن دلالت قیلهدی دییه ایتگنلر.
کابل بیلیم یورتی نینگ استادی نصرالله استانکزگه کوره، طالبلر بو ایش بیلن رهبرلری ملا محمد عمر تیریک ایکنلیگینی کورسهتیشگه اولگورهدی. استانکزی، سونگی وقتلرده، ملا محمد عمر حیاتدن کوز یومگنلیگی حقیده بعضی النگهلر نشر بولگنلیگینی ایتگن.
ایتیلیشیچه، ملا عمر حیاتدن کوز یومگنلیگی باره سیدهگی میش – میشلر باعث اوشبو حرکت نینگ بعضی اعضالری طالبلر صفینی ترک ایتیشگن. طالبلر بو نامهنی ترقهتیش بیلن کیشیلرگه ملا محمد عمر تیریک ایکن لیگینی اثباتلیدی.
عین حالده، سیاسی تحلیلچیلردن وحید مژدهگه کوره، «ملا محمد عمر قه ییردهلیگی خصوصیده طالبلر ایچیده هم تورلی سوراقلر بولگن، بو نامه نشر ایتیلیشی بیلن طالبلر هنوزهم ایریم فرمانلر همده بجریله دیگن ایشلر ملا محمد عمر آرقهلی صادر ایتیلیشینی انگلتهدی» مذکور ترجمه حالگه قرهگنده ملا عمر 1339- ییلده قندهار ولایتی خاکریز ولسواللیگی نینگ چاه همت قیشلاغیده دنیاگه کیلگن.
مذکور ترجمه حالده، ملا محمد عمرنینگ 1983- ییلدن 1991 ییلگه قدر آلیب بارگن اوروشلری نینگ رویخطی یازیلگن. رویخطده ملا عمر شوروی قوشینی بیلن هم اوروش قیلگن.
او، اوروش دوامیده تورت مرته تن جراحتی آلگن، نهایتده راست کوزینی قولدن بیرگن.
