بوگون «دوشنبه» کابل شهری نینگ ایکینچی ناحیه سیگه تیگیشلی عایله‌وی محکمه یقینیده تورموش اورتاغی‌نی اولدیرگن کیشی قولگه آلیندی.
کابل پولیس قومندانلیگی مسووللری نینگ ایتیشیچه، مذکور عیال کابل شهری نینگ ایکینچی ناحیه‌سیگه تیگیشلی عایله‌وی محکمه یقینیده تورموش اورتاغی تامانیدن پیچاق آرقه‌لی یره‌لنتیریلگن، بیراق کسلخانهگه جان بیرگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، اوشبو واقعه بوگون "دوشنبه" کابل شهری نینگ سوو فواره‌سی آت‌لی منطقه‌سیده، یوز بیرگن.
اونینگ ایتیشیچه، بیرینچی تحقیقات‌لرگه کوره، مذکور عیال، عایله‌وی جنجللر باعث، اولدیریلگن.
جناب فرامرزنینگ کوپه‌یتیریشیچه، اوشبو عیال و ایرکک بوندن آلدین هم عایله‌وی قیین‌چیلیکلر باعث، نیچه مرته محکمه‌گه کیلگن ایکن‌لر.
