مملکت ملی خوفسیزلیک کینگشی مصلحتچیسی حمدالله محب، قطرده افغانستانلیک‌لر ارا سوزلشوولرنی خوش قرشی‌لب ایتیشیچه، حکومت طالبان گروهی بیلن تینچلیک سوزلشوولری اوتکزیلیشی گه طرفدار دیر، بیراق بو جریان توزوم ییقیتیلیشی اوچون پروژه بولگنده، اونگه قرشی توره‌دی.
جناب محب، بو سوزلرینی پروان ولایتی گه قیلگن سفریده مذکور ولایت مسؤوللری و یشاوچیلری نینگ حضوریده بیان قیلگن.
ملی خوفسیزلیک کینگشی مصلحتچیسی، سیلاو یولگه قوییلیشی بیرینچی ورینت بولگنی اوستیگه تأکیدلب ایتیشیچه، افغانستانده توزوم مشروعیتی خصوصیده بولگن بیرینچی ورینت سیلاو دیر.
حمدالله محب، خاص بیر کیشی یا-ده گروه دن آت توتمه‌یدی؛ بیراق ایتیشیچه، یشاوچیلردن مشروعیت آلیب بیلمه‌گن کیشی‌لر، معامله قیلیش اوچون سعی و حرکت قیله‌دیلر.
پروان حاکمی فضل‌الدین عیارنینگ ایتیشیچه، اوتگن 18 ییل‌لیک یوتوق سقلنه‌دیگن دایمی تینچلیک مملکت یشاوچیلری نینگ اساسی ایسته‌گی دیر.
پروان ولایتی گه سفر قیلگن ملی خوفسیزلیک کینگشی مصلحتچیسی نینگ ایتیشیچه، طالبان گروهی بو ییل کابل و باشقه نیچه ولایت نی سقوط بیریش گه قصد قیلگن ایکن، بیراق بو مقصدلریگه ایریشه آلمه‌گن‌لر.
