افغانستان جمهور رییسی محمد اشرف‌غنی جاری هفته دوشنبه کون اروپا اتفاقی نینگ اداری فسادگه قرشی کوره‌ش اوچینچی ییغینیده نطق سوزلب، اجراییه ریاستی تامانیدن تانیشتیریلگن وزیرلیکلرنی فسادگه باتگن و قومگرالیک‌که عیبله‌دی. غنی، تشقی ایشلر وزیرلیگینی قومگرالیک‌که یوز توتگن دییه اورغوله‌گن.
نماینده‌لر مجلسی نینگ بیر قطاری بوگون (چهارشنبه) مجلس نینگ عمومی یغینی‌ده جمهور رییس نینگ بو قبیل سوزلری توغریسیده عکس‌العمل بیلدیرگنلر.
نماینده‌لر مجلسی نینگ اعضاسی سمیع الله صمیم، جمهور رییس غنی نینگ بو قبیل سوزلری قوملر اورته‌سیده ایرمه چیلیککه سب بوله‌دی دیگن. بوگپ مملکت نینگ فایده‌سیگه ایمس دیدی او. اونینگ تعبیریچه، جمهور رییس غنی بوتون وزیرلیکلرده اداری فساد آلدی آلینیشی اوچون جدی چاره تدبیر کوریشی ضرور.
نماینده‌لر مجلسی نینگ اعضالری، فساد یالغوز تشقی ایشلر همده ایچکی ایشلر وزیرلیگیده ایمس؛ شونینگ اوچون جمهور رییس غنی ایکی تامانله یانده‌ش‌مسلیگی ضرور دیگنلر.
لیکن، نمانده‌لر مجلسی نینگ ینه باشقه اعضالری، جمهور رییس نینگ بو سوزلری وزیرگه ایمس، وزیرلیککه قره‌تیلگن دیگنلر. اوشبو نماینده‌لر تشقی ایشلر وزیرلیگی بیلن ایچکی ایشلر وزیرلیگیده فساد کوپ بولگنی اوچون جمهور رییس بو وزیرلیکلرنی مثال اوله‌راق تیلگه آلگن دیگنلر.
بوندن آلدین هم افغانستان پارلمانی نینگ قطار اعضالری تشقی ایشلر وزیرلیگیده فساد موجودلیگی خصوصیده جدی خواطر بیلدیرگن ایدیلر. مساله تیکشریلشی اوچون مجلس نینگ خلق ارا کمیسیونب آرقه‌لی هیات تعیین ایتیلگن ایدی.
