نماینده‌لر کینگشی اعضالریدن بیرقطاری، اسلامی حزب رهبری گلبدین حکمتیارنینگ توغریسیده امنیت‌گه اصلاحات کیریتیش ایشلری بوییچه دولت وزیری امرالله صالح‌نینگ بیانات‌لریگه عکس العمل بیلدیریب ایتیشیچه، حاضرگی شرایط‌ده امرالله صالح‌نینگ بیانات‌لری مملکت و خلق منفعتی‌گه بولمه‌ی، بلکیم مملکت تینچ‌لیگی‌گه زیان ییتکیزه‌دی.
«جمعه» کون کاپیسا ولایتی‌نینگ مرکزی‌ده مذکور ولایت‌نینگ سابق ولایت کینگشی باشلیغی محمد امان مبارزنینگ قیلگن فعالیت‌لریدن نشانلش مراسمی‌ده سوزگه چیققن مملکت امنیتی اداره‌لریده اصلاحات کیریتیش و تعیین ایتیش ایشلری بوییچه دولت وزیری امرالله صالح‌نینگ ایتیشیچه، اسلامی حزب رهبری گلبدین حکمتیار، مملکت اوروشی‌ده قربانلرگه اهانت قیلگن. اونگه کوره، حکمتیار، اوتگن 17 ییل جریانیده اهالی‌نی اولدیریش اوچون فتوا صادر ایتگن، بیراق کابل‌گه کیره‌یاتگن بیرچاغده، کوتیلمه‌گن شکلده خوش قرشی‌لنگن.
جناب صالح‌نینگ ایتیشیچه، مملکت‌ده تینچلیک لایحه‌سینی خوش قرشی‌له‌یدی، بیراق جناب حکمتیار حکومت تامانیدن خوش قرشی‌لنگنی و اوشبو حزب بیلن بولگن تینچلیک لایحه‌نی سوراققه دوچ کیلتیره‌دی.
.jpg)
«شنبه» کون نماینده‌لر کینگشی‌نینگ عمومی ییغینیده کینگش اعضالریدن بیرقطاری، جناب صالح‌نینگ بیانات‌لرینی مملکت تینچ‌لیگی و برقرارلیگی‌گه اهانت بیلیب ایتیشیچه، بونده‌ی بیانات‌لر مملکت تینچ‌لیگی و برقرارلیگی‌گه زیان ییتکیزه‌دی.
نماینده‌لر کینگشی اعضاسی اقبال صافی‌نینگ ایتیشیچه، اهالی باشقه هر زماندن کوره تینچلیک‌که احتیاج دیر و بونده‌ی بیانات‌لر، مملکت‌ده سیاسی قیین‌چیلیک‌لرنی کوپه‌یتیریشی ممکن.
بیراق، نماینده‌لر کینگشی اعضالریدن باشقه بیری غلام فاروق مجروح‌نینگ ایتیشیچه، بیر-بیراوگه قرشی بیانات بیریش هیچ کیم‌نینگ دردینی دوام قیلمه‌یدی.
عین حالده، نماینده لر کینگشی باشلیغی عبدالرووف ابراهیمی، بوتون اهالی‌دن مملکت‌ده تینچلیک لایحه‌سیدن حمایه قیلیش‌لرینی سوره‌دی.
نماینده‌لر کینگشی اعضالریدن بیرقطاری‌نینگ آگاه‌لنتیریشیچه، مملکت‌ده بونده‌ی مسئله‌لر بیران اداره و یا-ده بیران کیشی تامانیدن بیان ایتیلگن صورتده، تینچلیک لایحه‌سیگه زیان ییتکزیشی‌گه قوشیمچه مملکت‌ده سیاسی قیین‌چیلیک‌لرنی کوپه‌یتیریشی ممکن و اولر، دولتی و نا دولت اداره‌لردن جدی شکلده مملکت‌ده تینچلیک لایحه‌سیدن حمایه قیلیش‌لرینی سوره‌دی.
