سالیق/مالیه وزیرلیگی‌نینگ اداری سیستمه‌سی بوزوغلیگی سبب افغانستان کیله‌دیگن چین نینگ تیمیر یولی ایشی توخته‌تیلدی.
افغانستان تجارت و صناعت اتاقی رسمیلری نینگ ایتیشلریچه، سالیق وزیرلیگی ده‌گی بروکراسی و کاغذی ترغیباتلر سبب ۳ آی مابینیده تیمیر یول واسطه‌سی بیلن افغانستاندن چینگه ایلتیله‌دیگن تجاری کالالر عملی بولمه‌گن.
تجارت و صناعت اتاقلری سوزلاوچیسی صیام‌الدین پسرلی نینگ سلام‌وطندارگه ایتیشیچه، هر بیر آیده ایکی مرته تجاری کالالر افغانستان کیلردی، بیراق سالیق وزیرلیگی نینگ تیمیر یول اوچون خلق ارا کود توزه تمه‌گنی، مذکور وزیرلیکنی قیینچی‌لیک کورسه‌تیشی سبب مملکتدن چینگه ایلتیله‌دیگن کالالر توخته‌تیلدی. جناب پسرلی‌گه کوره، چین‌دن افغانستانگه کیلتیره‌دیگن کالالر هر بیر آیده ایکی مرته کیلتیریلردی، بیراق اوچ آیده ایکی مرته تجارای کالا ایلتیب کیلتیریلگن.
سوداگرلیک و صناعت اتاقلری نینگ کوپه‌یتیریشیچه، تیمیر یول طریقیدن تجاری کالالر صادر ایتیلیشی باره‌سیده تلاشلر جریانی بار و تیزلیک‌ده بو قیینچی‌لیک حل ایتیله‌دی.
بو توغریده سالیق وزیرلیگیدن صحبت آلیشگه کوپلب تلاش قیلدیک، بیراق مذکور وزیرلیک رسمیلری سوزلشگه حاضر بولمه‌دی.
