تینچلیک بوییچه مصلحتی لویه‌جرگه نینگ ایکینچی کونیده، اوشبو جرگه اعضالری دولت قماقخانه‌سیده بولگن طالبان 400 اعضاسی نینگ قوییب یوباریلیشی خصوصیده ایجابی آواز بیرگن.
تینچلیک بوییچه مصلحتی لویه‌جرگه باشلیغی عبدالله عبدالله نینگ خبری بیر ییغینده ایتیشیچه، تینچلیک مصلحتی لویه‌جرگه نینگ کوپ قطار ایش کمیته‌لری طالبان 400 جنگری‌سینی ملی و خلق ارا ضمانت‌لر آرقه‌لی قوییب یوباریلیشی خصوصیده ایجابی آواز بیرگن. اوشبو جرگه نینگ نهایی قرارینی ایرته "یکشنبه" اعلان قیلینیشی ممکن.
تینچلیک بوییچه مصلحتی لویه‌جرگه اعضالری، افغانستان ایشلریگه دخیل بولگن مملکت‌لردن طالبان‌دن حمایت قیلمه‌یش‌لرینی سوره‌گنلر.
اوشبو جرگه اعضالری افغانستان‌لیکلر ارا سوزلشوولر اوچون همه‌شمول هیات تشکیل قیلینیشی، افغانستانده دایمی تینچلیک تامین‌لنیشی و سوزلشوولر نتیجه بیریشی‌دن خلق ارا جماعه‌سینی ضمانت قیلیشی‌نی ایسته‌گن‌لر.
تینچلیک بوییچه مصلحتی لویه‌جرگه باشلیغی عبدالله عبدالله نینگ ایتیشیچه، کمیته‌لر آره‌سیده بیرقطار قرشی‌لیکلر بار ایدی، بیراق کمیته‌لرنینگ عمومی جمعبندلیگیگه هیچ‌قنده‌ی قرشی‌لیک‌که گواه بولگن یوقمیز.
جناب عبدالله نینگ اوشبو خبری ییغینده ایتیشیچه، لویه‌جرگه قراریدن سونگ، 3 کون جریانیده محبوس‌لر قوییب یوباریلیب و تینچلیک سوزلشوولر باشله‌نیشی کیره‌ک. عبدالله نینگ کوپه‌یتیریشیچه، تینچلیک سوزلشوولرنینگ بیرینچی دوری قطر ده اوتکزیلهدی.
جمهور رئیس غنی، قربان هییتی نینگ بیرینچی کونیده، طالبان 400 جنگری‌سینی قوییب یوباریلیشی خصوصیده مصلحتی لویه‌جرگه یولگه قویلیشیدن خبر بیرگن ایدی. اوشبو جرگه ده مملکت بوتون ولایت‌لریدن 700 عیال شامل 3200 کیشی اشتراک قیلگن‌لر.
