لوگر ولایتی‌ده‌گی کرومایت تاش کانی غیر قانونی شکلی‌ده چیقاریب قاچاق بولیش گزارشلری کیلماق‌ده. کانلر و پطرولیم وزیری داوودشاه صبانینگ سلام‌وطندارگه ایتشیچه، لوگرده‌گی کرومایت تاش کانی غیر قانونی شکلی‌ده چیقاریلیش آلدی آلینشی اوچون لایحه ایجاد ایتیلگن.
جناب صبانینگ بیلدیریشیچه، حکومت یوقاری مرتبه‌لی رسمی‌لری بیلن قیمت بها تاشلر قاچاق بولیشی آلدینی آلیش باره‌سیده صحبت قیلینگن و لوگر امنیتی مسؤوللری قیمت بها تاشلر قاچاق بولیش آلدی آلینیشی اوچون رسمی مکتوب آرقه‌لی تلاش‌لری نتیجه بیرمه‌گن.
اولکه کانلر و پطرولیم وزیریگه کورهَ، ینگی لایحه ایشلب چیقاریشلری بیلن مذکور کان قیمت بها تاشلری غیر قانونی شکلی‌ده قاچاق بولیش آلدی آلینه‌دی.
اونگه کوره، اوشبو لایحه اساسی‌ده ایچکی و تشقی شرکت‌لر، کانلرنینگ قانونی شکلی‌ده چیقاریش اوچون اوز ایسته‌کنامه‌لرینی مذکور وزیرلیک‌گه یوباریب سهیم بولسین‌لر.
کانلر وزیری لوگر ولایتی‌نینگ ایریم تومنلریده‌گی کرومایت کانی موجود، اما کانلردن کوپیسی غیر قانونی شکلی‌ده اولکه‌دن تشقری قاچاق بولیش باره‌سیده خواطر بیلدیرگن.
لوگر یشاوچی‌لری نینگ سلام‌وطندارگه ایتیشلریچه، قیمت بها تاشلر قاچاق بولیشیگه پارلمان نماینده لری و ولایت امنیتی مسؤوللری‌نینگ قولی بار. اولرگه کوره، امنیتی رسمی‌لر قاچاقچی‌لردن باج آلیشلری بیلن، قیمت بها تاشلر قاچاق بولیشیگه زمینه یره تیله‌دی.
محل یشاوچی‌لری نینگ بیلدیریشیچه، شوحاضر محمد آغه تومنی نینگ کانلریگه دولت ایگه ایمس و مذکور کانلر بوتونلی قاچاقچی‌لر اختیاریگه قالگن.
لوگر ولایت سوزلاوچیسی محمدسلیم صالح، ولایتدن کرومایت و باشقه قیمت بها تاشلر قاچاق بولیشی‌نی رد قیلمیدی، اما قیمت بها تاشلر قاچاق بولیش ییرلریده حکومت تسلطی یوق‌لیگی‌نی بیلدیره‌دی.
گزارشلرگه کوره، افغانستان کانلری غیر مسؤول کیشیلر اختیاریگه بولیب، محلی زوروان‌لیکلر یاردمی بیلن چیقاریله‌دی.
