لوگر و پکتیا مدنی فعاللریدن ایکی کیشی، لوگر ولایتیده بالهلر جنسی زورلنیشیدن گزار تیارلگنلری باعث، ملی خوفسیزلیک ریاستی تامانیدن توتقونگه آلینگن ایدیلر.
عین دمده، افغانستان بوییچه آمریکا ایلچیسی جان بس، ملی خوفسیزلیک عمومی ریاستی تامانیدن لوگر مدنی جماعهچیلیک ادارهسی نینگ باشلیغی توتقونگه آلینگنیدن تنقید قیلیب و بو ایشنی قبول قیلینمس دیگن. او، لوگر مدنی جماعهچیلیک ادارهسی نینگ باشلیغی محمدموسی محمودی و پکتیا ولایتی بوییچه انسان حقوقی فعالی احسانالله حمیدی توتقونگه آلینگنی گه عکسالعمل بیلدیریب ایتیشیچه، افغانستان ملی خوفسیزلیک ریاستی تامانیدن سابق شوروی تاکتیکلری فایدهلنیشیدن خواطرده دیر.
کابل بوییچه آمریکا ایلچیسی نینگ اوشبو توییتیدن سونگ، مملکت جمهور رئیسی محمداشرف غنی هم لوگرده بالهلردن جنسی سوءاستعمال قیلیش گزارشینی خواطرلی دیدی.
جمهورلیک ریاست سرایی تامانیدن ترقهتیلگن خبرنامهده یازیلیشیچه، جمهور رئیس ملی خوفسیزلیک ریاستی گه اوشبو موضوع توغریسیده بولگن حرکتلرینی توختهتیشی خصوصیده بویروغ بیرگن.
شوندهی بیرحالده، افغانستان بوییچه انسان حقوقی ایرکین کمیسیونی، ملی خوفسیزلیک ریاستیدن ایکی مدنی فعال قوییب یوباریلگنیدن خبر بیردی.
افغانستان بوییچه انسان حقوقی ایرکین کمیسیون سوزلاوچیسی شکرالله مشکورنینگ سلاموطندارگه ایتیشیچه، مذکور کمیسیون نینگ دادخواهلیگیدن سونگ، ملی خوفسیزلیک ریاستی توتقونگه آلگن ایکی مدنی فعال نی انسان حقوقی کمیسیونی گه تاپشیرگن.
افغانستان باشکینتی کابلده لوگر مدنی جماعهچیلیک ادارهسی نینگ باشلیغی و پکتیا ولایتی بوییچه انسان حقوقی فعاللریدن بیری درکسیز یوقالگنلریدن کمیده بیر هفته اوتگنیدن سونگ، اوتگن کون ملی خوفسیزلیک عمومی ریاستی، مذکور کیشیلر ملی خوفسیزلیک ریاستی نینگ تورمهخانهسیده بولگنینی بیلدیردی.
