.jpg)
قندهار پولیس قومندانلیگی نینگ مسووللری، یوزی و باشی پوستلنگن بیر عیال نینگ جسدی کشف قیلینگنیدن خبر بیرگن. بوگون "چهارشنبه" قندهار پولیس قومندانلیگی سوزلاوچیسی جمالناصر بارکزی نینگ سلاموطندارگه ایتیشیچه، مذکور جسد قندهار شهری نینگ عینومینه شهرچهسیدن تاپیلگن.
صورتگه قرهگنده، مذکور عیال نینگ یوزی و باشینی تیریسی اجرهتیلگن و بدنی نینگ باشقه عضوی قاره حجاب بیلن یاشیریلگن.
جناب بارکزی نینگ ایتیشیچه، پولیس قومندانلیگی نینگ تدقیقاتچی گروهی محلگه بارگن و اوشبو عیال نینگ کیم تامانیدن و قچان اولدیریلگنی حاضرگهقدر بیللی ایمس.
ایتیلیشیچه، کمیده ایکی آی آلدین عیاللر وزیرلیگی نینگ مسووللری، جاری ییل نینگ بیرینچی 4 آییده عیاللرگه قرشی 2582 زوروانلیک واقعه قید ایتیلگنیدن خبر بیرگن ایدی.
اولرنینگ ایتیشلریچه، آمارلرگه کوره، عیاللرگه قرشی زوروانلیک واقعهلر کمهیگن، بیراق حقیقتده جدی و شدتلی واقعهلر کوپهیگن.
