لوگر ولایتی‌نینگ بیر قطار یشاووچی‌لری، چهارشنبه‌دن پنج‌شنبه‌گه اوتر کیچه‌سی ولایت‌ده یوز بیرگن سوو تاشقین‌لری عاقبیتی‌ده یوزلب یشش اوی همده مینگلب جریب ییر ویران بولگن‌لیگی باره‌سی‌ده سلام‌وطندارگه خبرقیلگن‌لر.
ولایت اهالی‌سی، مذکور سوو تاشقین‌لری خوشی، بره‌کی بره‌ک، پل‌علم و محمد آغه تومنلریده‌گی یاغینگرچیلیک‌لردن کیین یوز بیرگن دیگن‌لر.
ولایت والیسی‌نینگ سوزلاوچی‌سی سلیم صالح‌نینگ سلام‌وطندارگه بیلدیریشیچه، اوشبو منطقه‌لرده روی بیرگن سوو تاشقین‌لری نتیجه‌سی‌ده اهالی‌گه آغیر زیان ییتگن. او، زیان کورگن‌لرگه انسان‌پرورلیک یاردملر ییتکزیب بیریلیشی اوچون کمیسیون تاسیس ایتلیشی‌نی بیلدیرگن.
لوگرولایت طبیعی حادثه‌لرگه قرشی کوره‌شیش اداره‌سی‌نینگ وقتینچه‌لیک مسووللی نجیب‌الله، اخیرگی کونلرده یوز بیرگن سوو تاشقین‌لریده جانی تلفات یوز بیرمی، لیکن خلققه کوتیلمه‌گن پیمانه‌ده مالی زیان ییتگن‌لیگینی تصیدق له‌گن.
عین حالده، میدان وردک ولایتی‌ده یوز بیرگن سوو تاشقین‌لرده اهالی‌گه مالی زیان ییتگن. بیراق، ولایت محلی رسملری هنوزگچه زیان‌لر توغری‌سی‌ده انیق معلومات بیریشمه‌گن‌لر.
