لوگر ولایت والیسی محمد حلیم فدایی اوتگن اوچ آیده مذکور ولایت‌ده افغان ملی کوچلری تامانیدن اوتکزیلگن حربی عملیاتده 435 طالب نابود ایتیلگن.
جناب فدایی بوگون (پنج‌شنبه) لوگرده اوتکزیلگن خبری ییغین‌ده ولایت‌نینگ بره‌کی بره‌ک، خوشی و محمد آغه ولسوال‌لیکلری جنگری طالبلردن تازه‌لنگن دیگن.
لوگر ولایت والیسی‌گه کوره، اوشبو اوچ آی جریانیده ملی کوچلرنی اوتکزگن حربی عملیاتیده دوشنبه، کنداب و زرغون شهرلریده جنگریلرنینگ اوچ مرکزی بوتونلی نابود ایتیلگن.
اونگه کوره، لوگر ولایتی‌ده ملی کوچلر اورته‌سیده هماهنگلیک آشگنی سبب بو ولایت نینگ خوفسیزلیک وضعیتی یخشی‌لشگن.
فدایی امنیتی کوچلر تلفاتی باره‌سیده هیچ نرسه تیل‌گه آلمه‌گن.
اما، ولایت وضعیتی توغریسیده شکایت بیلدیرگن اهالی‌گه کوره، کندوز کونی ولایت مرکزی پُل علم و ولسوال‌لیکلرده آدم اوغیرلش، پارتلش و قوراللی هجوملر یوز بیره‌دی.
طالب‌لر گروهی هنوزگچه بو حقده بیرار نرسه دیمه‌گن.
