قندهار دن امنیتی بیر منبع نینگ ایتیشیچه، اوتگن کیچه طالبان گروهی شورابک تومنی نینگ «سارکوی» منطقهسی و تختهپل تومنی نینگ «ملید» منطقهسیده جایلشگن ملی پولیس عسکرلرنینگ پوستهلری اوستیگه گروهی شکلده هجوم قیلگن.
اوشبو امنیتی منبع آتی فاش ایتیلیشینی ایستمهی سلاموطندارگه ایتیشیچه، بو هجوم ده ملی پولیس عسکرلردن 10 تهسی هلاک ایتیلگن.
بیراق، قندهار پولیس قومندانلیگی سوزلاوچیسی جمالناصر بارکزی نینگ ایتیشیچه، مذکور تومنلرده طالبان گروهی تامانیدن اویوشتیریلگن هجوم ده یالغیز بیر پولیس هلاک و باشقه ایکی پولیس یرهلنگن.
اونگه کوره، بو هجوم ده 5 جنگری طالب هلاک و باشقه 9 تهسی یرهلنگن.
طالبان گروهی حاضرگهقدر بو توغریده هیچ نرسه دیمهگن.
ایتیش کیرهک کیم، اوتگن کیچه آقچه تومنیده طالبان گروهی تامانیدن امنیتی کوچلرنینگ پوستهلری اوستیگه اویوشتیریلگن هجوم ده حربی کوچلردن 13 تهسی و ملی پولیس عسکرلردن 2 تهسی هلاک ایتیلگن و طالبان گروهی حربی عسکرلردن 6 تهسینی اوزلری بیلن آلیب کیتگن.
