بوگون «سه‌شنبه» افغانستان جمهور رئیسی محمداشرف غنی لوگر ولایتی گه سفر قیلیب مذکور ولایتده برق سب‌استیشنی‌نی آچدی.
جناب غنی‌نینگ ایتیشیچه، اوشبو سب‌استیشن آچیلیشی بیلن لوگر مرکزی پل‌علم‌ده 13 مینگ عایله برق دن فایده‌لنه‌دی.
جمهور رئیس غنی گه کوره، مذکور سب‌استیشن 36.39 میلیون دالر خرجت کوترگن، بیراق اوشبو سب‌استیشن آچیلیشی نتیجه‌سیده بیر کیلووات برق بهاسی 25 افغانی‌دن 6 افغانی گه قویی کیله‌دی.
عین حالده، لوگر حاکمی انورخان اسحاقزی، جمهور رئیس غنی‌دن لوگر ولایتی‌نی 3- درجه‌لی ولایت‌دن 2- درجه گه ییتکزیب و بو ولایت قیته قوریلیشی، خوفسیزلیک، معارف و ساغلیک بولیم‌لریگه دقت قیلیشی‌نی سوره‌دی.
لوگر افغانستان‌نینگ آز رواجلنگن ولایت‌لریدن بیری دیر. بیراق اقتصاد رواجلنمه‌گنی گه قوشیمچه، ناتینچلیک بو ولایت‌نینگ اساسی قیین‌چیلیک‌لریدن بیری سنله‌دی.
