لوگر حاکمی سوزلاوچیسی سلیم صالح‌نینگ ایتیشیچه، بوگون (یکشنبه) توشدن آلدین ساعت 10 اطرافیده، تورت هجومچی، مذکور ولایت محکمه‌سیگه کیرگن و هجومچی‌لر بیلن امنیتی کوچلرنینگ توقنه‌شووی 3 ساعت‌دن کیین، هجومچی‌لر اولیمی بیلن یکونلندی.
آتی فاش ایتیلیشی‌نی ایستمه‌گن امنیتی رسمی‌لردن بیری‌نینگ ایتیشیچه، مذکور هجومچی‌لرنینگ هجومی نتیجه‌سیده، استیناف محکمه‌سی باشلیغی اکرم نجات هلاک بولگن. جناب نجات اولیمی‌دن ایکی ساعت آلدین، اوشبو پست‌گه تانیشتیریلگن ایدی.
جناب صالح‌گه کوره، هجومچی‌لر امنیتی کوچلرنینگ کییمی‌دن فایده‌لنیب محکمه‌گه کیرگن‌لر و هجومچی‌لرنینگ هجومی نتیجه‌سیده 7 کیشی هلاک بولیب و باشقه 23 کیشی یره‌لنگن. اوشبو واقعه قربان‌لری‌نینگ برچه‌سی تینچ اهالی ایکن.
ولایت مقامی یانیده یوزبیرگن واقعه محلی یقینیده چمه‌سی 300 کیشی قوم بویوکی توپلنگن ایکن.
لوگر حاکمی سوزلاوچیسی‌گه کوره، اوشبو توقنه‌شووده چمه‌سی 9 کیشی تینچ اهالی یره‌لنگن.
حاضرگچه اوشبو هجوم مسؤولیتی‌نی هیچ بیر گروه اوز ذیمه‌سیگه آلمه‌گن، بیراق تروریستی هجوم‌لرگه قولی بولگن کیشی‌لر دارگه آسیلیشی خصوصیده جمهور رییس‌نینگ بیانات‌لریدن کیین، طالبلر عدلی و قضایی اداره‌لرنی آگاه‌لنتیرگن ایدی.
