.jpg)
بریتانیالیک گاردین کونده‌لیگی نینگ گزارش بیریشیچه، لوگر مدنی جماعه‌چیلیک ترماغی 546 باله بیر بچه بازلیک حلقه آرقلی جنسی سوءاستعمال بولگنیدن پرده کوتارگن.
بو گزارش اساسیده، 5 عایله باله‌لری نینگ ویدیوسی اجتماعی ترماقلرده نشر ایتیلگنیدن کیین اولرنینگ اولدیرگن. اونگه علاوه، ضرر کورگن کمیده 25 باله اوی‌لری نینگ ترک قیلیش گه مجبورلنگن.
قربانیلر آره‌سیده 13 یاشر و 15 یاشر ایکی باله موجود ایکن و اصلی عامللرنینگ کیم‌لیگی حاضرگچه بیللی بولمه‌گن.
لوگر مدنی جماعه‌چیلیک ترماغی 16 ییل نی بوندی قضیه‌لرنی مستند قیلیش اوچون صرفله‌گن و 100 بچه‌بازلیک قضیه‌سینی مستند قیلگن.
لوگر مدنی فعاللریدن بیری محمدموسی (مستعار آت) نینگ ادعا قیلیشیچه، بچه‌بازلیک قضیه‌لردن کوپینچه‌سیده اوقیتووچیلر، باش معلم‌لر و محلی رسمی‌لری نینگ قولی بار. موسی گه کوره، اولرنینگ ترماغی 14 دن 20 یاش گچه بولگن باله‌لر بیلن سوزلشگن. جنسی سوءاستعمال توغریسیده بولگن شکایت‌لردن کوپنیچه‌سی تینچ ییرلرده قید ایتیلگن و شو یوزه‌دن مذکور فاجعه قربانی‌لری نینگ رقمی کوپه‌یشی ممکن.
لوگر ولایتیده مذکور قضیه قربانی‌لریدن بیری 17 یاشر تمیم (مستعار آت) دیر. تمیم نینگ ایتشیچه، اوقیتووچیسی اونینگ یخشی کوره‌دی ایکن و او بیلن جنسی علاقه قوریش نی ایسته‌یدی ایکن. بیرینچی‌ده اونینگ سوزلری عایله‌سی تامانیدن قبول قیلینمه‌گن، بیراق استادی اوندن جنسی علاقه خصوصیدگی سیسی نی قید قیلیب عایله‌سی بیلن اورته گه قویگنیدن کیین، اونینگ سوزلرینی تن آلگنلر.
اوقووچیلرگه کوره، بیر مکتب نینگ باش اوقیتووچیسی مکتب نینگ کتابخانه‌سیده خاص بیر اتاقی بار و باش معلم درس یکونلنگنیدن کیین و هر هفته آخریده باله‌لرنی جنسی زورلش اوچون قوللنه‌دی ایکن.
تمیم نینگ ایتیشیچه، باش معلم مکتبدن چیقاریلگن، بیراق حاضر کابل‌ده معارف وزیرلیگی‌ده وظیفه‌سی بار.
.jpg)
معارف وزیرلیگی سوزلاوچیسی نوریه نزهت نینگ ایتیشیچه، اوشبو وزیرلیک ایشلاوچی‌لریگه قرشی شکایت قیلینگن صورتده، موضوع تیکشیریله‌دی. اونینگ کوپه‌یتیریشیچه، اوقووچی‌لر بیلن ناتوغری شکلده یول بارگن اوقیتووچیلر قانونگه کوره جزالنتیریله‌دی.
داوود (مستعار آت) لوگر ولایتیده بولگن مکتب‌لردن بیریگه درس اوقیگن، اونینگ ادعا قیلیشیچه، اوقیتووچی‌لریدن بیری اوندن جنسی رابطه برقرار قیلیشی‌نی طلب قیلگن.
مدنی فعاللردن بیری محمدموسی نینگ ایتیشیچه، اوقووچی‌لرنی جنسی زورلگن کیشی‌لر قولگه آلینگنی‌دن سونگ، پولیس تامانیدن قوییب یوباریلگن. اونینگ ایتیشیچه، ایرکک اوقیتووچیلر، یاش‌لری یوقاری بولگن اوقووچی‌لر و زوره‌وان کیشی‌لر اوشبو عیب عامل‌لریدن دیر.
جناب موسی نینگ ایتیشیچه، بیرقطار واقعه‌لرده قربان بولگنلر، ویدیولری نینگ نشر قیلینمه‌یشی اوچون بنگی‌وار ماده ساتیشگه مجبورلنگن‌لر.
«آل سروایورس» مسووللریدن بیری چاروهوگ نینگ ایتیشیچه، جنسی زوره‌وانلیک خصوصیده کینگش شکلده گزارش بیریلمه‌گن. خانم هوگ نینگ کوپه‌یتیریشیچه، عیب‌لنگن کیشی‌لرنینگ جزالنتیریلمه‌گنی و کم بغللیک بو عیب‌لردن بیرقطاری نینگ ترقه‌تیلمه‌یشی‌گه سبب بولمه‌گن موضوع‌لردن دیر.
افغانستانده روحی ساغلیک اداره‌لردن بیری نینگ مسوولی لیلا شوارتز نینگ ایتیشیچه، شونده‌ی قضیه‌لر کم‌راق رویخط گه آلینه‌دی؛ چونکه شونینگدیک، واقعه‌لر اجتماعی نقطه نظردن قربان بولگنلر عایله‌سیگه زیان ییتیشتیره‌دی.
منبع: گاردین
اوزگرتیروچی: شبنم خلیلیار
