لوگر والیسی محمدحلیم فدایی نینگ ایتیشیچه، ولایت پل‌علم، بره‌ک برک، خوشی و چرخ تومنلریده جایلشگن 25 قیزلر مکتبی و اوچ دینی مدرسه سونگی تانیچ‌لیکلر سبب یاپیلگن.
سلام‌وطندار بیلن جناب فدایی نینگ قیلگن صحبتی‌ده، لوگر معارف رسمی‌لری‌گه طالب‌لرنینگ ایتیشیچه، قیزلرمکتب‌لرینی قمه‌مه‌گن صورتده، بو مکتب‌لرنی اوتگه یاندیره میزدیب آگاه‌لنتیرگن ایکنلر.
اوتگن آیده طالب‌لرگروهی لوگر پل‌علم تومنیده «غلام‌نبی سمسور» و «حاجی گلون» ناملی ایکی قیزلر مکتبی‌نی اوتگه یاندیرگن ایدیلر.
جناب فدایی‌نینگ بیلدیریشیچه، ولایتی کینگش، عالم‌لر کینگشی و مدنی جامعه اعضالری بیلن بیرگه مکتب‌لر قیته آچیلیشی باره‌سیده ایش قیلیب کیلماقده‌لر.
لوگر والیسی ولایت قیزلر مکتبی طالب‌لر تهدیدی آستیگه قالیش یانیده، کوپلب منطقه‌ده اجتماع سنتی تهدیدلری بیلن هم روپه‌ره بولگن‌لیگی‌نی بیلدیره‌دی. اونگه کوره، قیزلرینی 7- صنفدن کیین مکتب کیتیش‌گه رخصت بیرمه یدعیاله‌لر سان‌سیز کوپ بولگن.
شونینگ‌دیک لوگر عیاللر باشلیغی شیما زرگر هم والی نینگ سوزلرینی تأیید قیلیب ایتیشیچه، ولایت ایریم منطقه‌سیده عیال اوقیتوچیلرنینگ طالب‌لر تامانیدن قیزلر مکتبی قمه‌لیشی باره‌سیده شکایتلرینی قولگه کیلتیرگن.
باشقه بیرتاماندن لوگر پولیس باشلیغی محمدداوود احمدی نینگ سلام‌وطندارگه ایتیشیچه، ولایت برچه تومنلریده‌گی پولیس قراوولیگه عیال اوقیتوچیلر و اوقووچیلر امنیتی تأمین ایتیلیب قیزلر مکتب‌لری آچیلیش هدایتینی بیرگن.
احمدی شو حاضر لوگر ناتینچ منطقه‌لریده یوکسک عملیات دوامی بار و بو ولایتده‌گی ایشیگی یاپیلگن مکتب‌لر تیزدن آچیله‌دی دیب کوپه‌یتیره‌دی.
اوتگن هفته جمهور رییس محمداشرف غنی لوگرده قیلگن سفریده، ولایت عیاللریگه اورگه‌نیش و ایش زمینه‌سینی یره‌تیش و امنیتلرینی تأمین ایتیش وعده‌سینی بیرگن ایدی.
14 ییلدن بویان لوگر ازره و خروار تومنلریده هیچ بیر قیزلرمکتبی فعال بولمه‌گن ایکن.
