لوگر ولایتی‌ده کوپلب اوقیتوچی‌لر دولتگه قرشی امنیتی کوچلر بیلن اوروشه‌دیلر.
لوگر ولایتی والیسی نینگ سوزلاوچیسی سلیم صالح خبرنی سلام‌وطندارگه تأیید قیلیب ایتیشیچه، اوشبو ولایتده یریم کون مکتب‌لرده کیلیب اوقووچیلرگه درس بیره‌دیلر و دولتدن آیلیک آله‌دیلر و یریم کون ایسه طالبلر بیلن بیرگه قوشیلیب امنیتی کوچلرگه قرشی اورشه‌دیلر.
جناب صالح نینگ ایتیشیچه، اوتگن کون لوگر ولایتی‌نینگ مرکزی پل‌علم نینگ پادخاب‌شانه منطقه‌سیده ایکی طالب اولدیریلگندن سونگ بولردن بیری عثمانیه عالی مکتبی نینگ اوقیتوچیسی بولگن.
محل یشاوچی‌لری هم، امنیتی کوچلر بیلن طالبلر ارا بولیب اوتگن اوروشده 4 طالب اولدیریلگن ایدی، بولردن بیری بیر اوقیتوچی ایکن‌لیگینی تصدیقله یدیلر.
لوگر معارف ریاستی رسمی‌لری هم ولایت رسمی اوقیتوچیلریدن بیری نینگ طالبلر صفیده امنیتی کوچلر بیلن اوروش جریانیده اولگن‌لیگینی تأیید قیله‌دی، بیراق والی سوزلاوچیسی نینگ کوپلب اوقیتوچی‌لر یریم کون دولتگه ایشلب و یریم کون طالبلربیلن دولتگه قرشی اوروشه‌دی دیگن ادعاسینی رد قیله‌دی.
بوندن بیر آی آلدین هم امنیتی کوچلر لوگر ولایتی‌نینگ محمدآغه تومنیده اویوشتیرگن عملیاتلریده بیر قورالی اوقیتوچی قوشیمچه باشقه نیچه جنگری اولدیریلگن ایدی.
