لوگر ولایتی‌ده طالبان بیر خاتین – بیر ایرکک‌نی زناگه عیبلب اولدیرگن.
لوگر ولایتی نینگ یشاووچیلری، اوتگن کون (شنبه) قوراللی طالبلر مذکور خاتین و ایرکک‌نی محمد‌آغه تومنی‌نینگ آب‌بازک منطقه‌سیده عامه خلق حضوریده اوققه تویب حیاتی‌گه پایان بیردی دیدیلر.
اولر، خاتین بیلن مذکور عیال نینگ هیچ قنده‌ی عایله‌وی علاقه‌سی یوق دیگنلر. اویلگن اوشبو ایکّی کیشی نینگ ایکّی فرزندی بارلیگی ایتیله‌دی.
لوگر ولایت والیسی نینگ سوزلاووچیسی سلیم صالح حادثه‌نی تصدیق ایتیب، واقعه ایکّی کون آلدین آب‌بازک منطقه‌سیده یوز بیرگن لیگینی بیلدیردی.
سوزلاووچی، حادثه نینگ اصلی سبب هنوز معلوم ایمس دیگن. اما، پولیس بو توغریده تیرگاو باشله‌گن. واقعه مسوولیتینی ذمه‌سیگه آلگن قوراللی طالبلر تامانی اوشبو خاتین بیلن ایرکک زناگه عیبلهنیب حبس‌گه آلگن دیدی. بولر طالبلر محکمه‌سی قراری اساسیده آتیب اولدیریلگنی بو حرکت طرفیدن تصدیق ایتیلدی.
