لوگر ولایتی نینگ مس‌عینک کان ایشلاوچی‌لریدن اونلرچه‌سی حقوقلری توللنمه‌گنی باعث ناراضلیک نمایش یولگه قویگنلر. مذکور اعتراضچیلر لوگر حاکمی دفتری برابریده توپله‌نیب ایتیشلریچه، ایکی ییل‌دن بویان مذکور کان‌نینگ تاریخی اثرلر کشفی بولیمی‌ده ایش قیله‌دیلر، بیراق حاضرگچه حقوق قولگه کیلتیرمه‌گنلر.
شونینگدیک مذکور اعتراضچیلر قراردادلرگه فساد موجودلیگی توغریسیده اورغولب ایتیشلریچه، مدنیت و معلومات وزیرلیگی قراردادلرگه موجود فساد نی آلدینی آلمه‌ی و حقوق‌لرینی توللمه‌گن صورتده، اعتراض‌لریگه دوام بیره‌دیلر.
اعتراضچی‌لردن بیری ضابط خان نینگ ایتیشیچه، «قراردادگه باشقه بیر نرسه و ایش باشقچه، 6 آیلیک قرارداد ایکی آی‌ده یکونلنه‌دی، بیزلرنینگ قیینچلیگی‌میز حل بولیشی کیره‌ک، بولمه‌گنده اعتراض‌لریگه دوام بیریش‌لری ممکن.»
شونینگدیک لوگر ولایتی کینگش اعضاسی محب‌الله صالح نینگ ایتیشیچه، مس‌عینک کانی نینگ قدیمی آثرلر کشفی بولیمی ایشلاوچیلری نینگ قراردادلری و حقوقلری گه قیینچلیک موجود.
لوگر مدنیت و معلومات ریاستی باشلیغی عبدالرحمان تسل، مذکور کان ایشلاوچیلری نینگ قراردادلریگه فساد موجودلیگی نی رد قیله‌دی. او، مذکور ایشلاوچیلرگه حقوقلری تیزلیکده توللنیشی توغریسیده ایشانچ بیرگن.
ایتیش کیره‌ک کیم، کمیده ایکی ییل آلدین مدنیت و معلومات وزیرلیگی دنیابانکی نینگ مالی همکارلیگی بیلن لوگر ولایتی نینگ مس‌عینک قدیمی اثرلری نینگ کشفی پروژه‌سینی باشله‌دی و حاضرگچه مینگ‌لرچه قدیمی اثر کشف و کابل موزیمی‌ده انتقال بیریلگن.
شو توغریده:
