د لوګر امنيې قومندانۍ ویاند شاپور احمدزي سلام وطندار ته وویل چې له تېرې شپې راهیسې تراوسه د ازرې ولسوالۍ پر مرکز او نږدې امنيتي پوستو د طالبانو ډلهييز بريدونه روان دي.
ښاغلی احمدزی وايي، تراوسه پورې ۳۰ طالبان او ۳ امنیتي سرتېري وژل شويدي.
بلهخوا د لوګر د ولایتي شورا غړي ډاکتر عبدالولي وکیل سلاموطندار ته وویل چې له تېرو ۱۳ ورځو راهیسې طالبانو د ازرې ولسوالۍ کلابنده کړېده.
ښاغلی وکیل زیاتوي چې نړۍوالو ځواکونو هم د مرستې په نوم د طالبانو پرځای پر افغان امنیتي ځواکونو او ملکيانو هوايي بریدونه کړي چې ۱۵ امنیتي سرتېري او ۵ ملکیان پهکې وژل شويدي.
د سیمې یو اوسېدونکي شهزاده توحیدمل سلاموطندار ته وویل چې له تېرې شپې راهیسې ۸ امنیتي پوستې سقوط شوېدي او اوس هم د دواړو لوریو ترمنځ سخته جګړه روانه ده.
هغه وایي، کهچیرې دې ولسوالۍ ته کومکي ځواکونه ونه رسېږي؛ د طالبانو لاس ته به ولوېږي.
طالبان هم ادعا کوي چې د ازرې ولسوالۍ ډېرې برخې دوی نیولي او لسګونه سرتېري یې وژلي دي.
