د لوګر د طبعیي پېښو پر وړاندې د چمتووالي ادارې رییس مطیعالله احمدزي وویل چې د چین هېواد له لوري د لوګر له ۲۵۰۰ کورنیو سره د خوراکي توکو مرسته شوې.
دا مرسته ۳۵۰ ټنه اوړه او وریجې دي چې په اړمنو کورنیو یې د وېش لړۍ روانه ده.
د ښاغلي احمدزي په خبره، دغه مرسته به د مرکز پلعلم په ګډون د شپږو ولسوالیو له هغو کورنیو سره وشي چې د جنګ او وروستیو طبعیي پېښو له امله بېځایه شوېوي.
په ورته وخت کې د لوګر اړمنې کورنۍ د لوګر ولایتي ادارې مننه کوي چې اړو او بېوزلو کورنیو سره یې په مناسب وخت کې د خوراکي توکو مرستې راجلب کړې؛ خو وايي چې شوې مرسته بسنه نهکوي.
دا مرستې پهداسې حال کې دي چې د معلوماتو لهمخې د وروستیو جنګونو، وچکالیو او اورښتونو له امله ۳۰۰۰ کورنۍ له خپلو مېنو بېځایه شوي او بېړنیو مرستو ته اړتیا لري.
ورته مطالب:
له نورستان سره ۲۵۵ ټنه خوراکي توکي مرسته کېږي
په پروان کې له ۱۵۰۰ کورنیو سره د خوراکي توکو مرسته
افغان ـ تُرک په افغانستان کې ۷ زرو کورنیو سره د خوراکي توکو مرسته وکړه
