د لويې څارنوالۍ وياند جمشېد رسولي سلاموطندار ته وايي، د امرالله صالح په مشرۍ د زرغون بهير له لوري د سپکاوي ۳۹ شکايتونه يې رد کړې دي.
رسولي وايي، د افغانستان جزا کوډ کې افرادو ته «کنزلې او سپکاوی» جرم دی او هغې ته رسېدنه د زیانمن کس له اندېښنو سره تړاو لري.
نوموړی وايي، دا شکايتونه د زرغون بهير د حقوقي کمېټې له لوري ثبت شوي دي، نه د امرالله صالح لوري؛ نو له همدې کبله دا شکايتونه رد شوي دي.
د امرالله صالح په مشرۍ د زرغون بهير له لوري په دې وروستيو کې ۳۹ کسان امرالله صالح ته د سپکاوي په تور څارنوالۍ ته معرفي شوي وو چې نوموړي ته يې په فېسبوک کې د هغه فېسبوکي پوسټونو کې سپکاوی کړی و.
د دې شکايتونو ثبت بيا هېواد کې دننه او بهر په ځانګړې توګه د بښنې نړيوال سازمان غبرګون هم له ځانه سره درلود.
په دې تړاو:
