د کندهار د والي ویاند عزیز احمد عزیز سلام وطندار ته وویل چې د ولایت ودانۍ کې نامعلومو کسانو ډزې کړي چې په ترڅ کې یې دی یانې د والي ویاند هم ټپي شویدی.
ناتایید شوې سرچینې د کندهار د امنیه قوماندان جنرال عبدالرازق د وژل کېدو او ټپي کېدو په اړه ضد و نقیض راپورونه ورکوي.
ښاغلی عزیز وایي، د نورې مرګژوبلې په اړه معلومات نهلري؛ خو په وینا یې، ډزې داسې مهال شوېدي چې په ولایت کې د ټاکنو امنیت لهپاره د چمتووالي نیولو غونډه پای ته ورسېده او د غونډې ګډونوال له ودانۍ د وتلو په حال کې وو.
د کندهار د والي ویاند په وینا، غونډې ته د غوڅ ماموریت استازي هم ورغلي وو؛ خو دا لا نه ده معلومه چې کوم زیان ور رسېدلی او که نه؟
د دې خبر نور جزیاتو لهپاره سلام وطندار تعقیب کړئ.
