.jpg)
لیورپول د بارسلونا فوټبال کلپ په ماتولو د چمپینزلیګ فاینل ته لاره پيدا کړه او د ۶ کلونو وروسته به یو ځل بیا کومه اسپانوۍ لوبډله د دې جام په فاینل لوبه کې ونه لوبېږي.
انګلستاني فوټبال کلپ ـ چې د اروپا فوټبال کلپونو اتلولۍ لیګ په لومړۍ (تګ) پړاو سیمي فاینل لوبه کې ماتې خوړلې وه ـ په (راتګ) پړاو لوبه کې یی ستره بریا خپله کړه.
لیورپول فوټبال کلپ د ګولونو څخه په ډکه لوبه کې ۴ د صفر ګول پر وړاندې اسپانوي کلپ بارسلونا ته ماتې ورکړه او د ګولونو په تفاوت یې فاینل ته لاره پیدا کړه.
لیورپول د ریال ماډریډ، میلان او بایرن مونیخ وروسته ـ چې زیات ۱۶، ۱۱ او ۱۰ ځلې د یورپین کپ او یا چمپینزلیګ پایلوبې ته رسېدلی ـ څلورمه لوبډله شوه چې د ۹م ځل لهپاره د دې سیالیو فاینل ته لاره پیدا کوي.
د یادونې وړ ده چې بارسلونا فوټبال کلپ په (تګ) پړاو سیمي فاینل لوبه کې ۳ د صفر ګول پر وړاندې لیورپول فوټبال لوبډلې ته ماتې ورکړېوه چې له کوم انګلستاني فوټبال کلپ خلاف په اروپایي جام سیالیو کې د بارسلونا فوټبال کلپ لهپاره تر ټولو ستره ماتې وشمېرل شوه.
په ټولیزه توګه د ۲ تګ او راتګ پړاو سیمي فاینل لوبو وروسته لیورپول ۴ د ۳ ګولونو پهواسطه د سر په سر دویم ځل لهپاره د اروپا فوټبال کلپونو اتلولۍ لیګ پایلوبې ته لاره پیدا کړه.
.jpg)
دغه راز دا بیا سر په سر دویم کال شو چې بارسلونا فوټبال کلپ لومړۍ سیمي فاینل لوبه کې د ۳ ګولونو مخکیوالي سره ـ سره په ورپسې لوبه کې ماته خوري او په وروستیو ۴ کلونو کې د درېیم ځل لهپاره په سیمي فاینل کې رخصت شوه.
د لیورپول فوټبال کلپ روزونکي کلوپ بارسلونا ته په انګلستان کې ستره ماتې ورکول او د دې لوبډلې ناکاوټول د خپل کلپ ستره پایله یاده کړېده.
انګلستاني کلپ لیورپول د وروستي ځل لهپاره ۱۴ کاله وړاندې په ۲۰۰۵ کال کې د ترکیې په استنبول کې د اروپا فوټبال کلپونو اتلولي ګټلې ده او سږ کال به د ۶مې اتلولۍ ګټلو هڅه کوي.
د سږ کال اروپا چمپینزلیګ پایلوبه به د راتلونکې جون میاشتې په لومړۍ نېټه د اسپانیي په کوربهتوب په ماډریډ ښار کې ترسره شي چې پهکې د ۶ کلونو وروسته د لومړي ځل لهپاره کومه اسپانوۍ لوبډله نه وي موجوده.
د روانو اروپا چمپینزلیګ د راتګ پړاو دویمه (سیمي فاینل) لوبه نن د هالیندي اژاکس او انګلستاني ټاټینهام فوټبال کلپونو ترمنځ کېږي چې یوه لوبډله به ترې د لیورپول خلاف (ُفاینل) کې د لوبېدلو ټکټ کره کړي.
